Jeremiya 15:1 - Bhiblia Yo Sawuleka

¹ Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Jeremiya 15:1 Referans Kwoze

Ezekhiyele 14:14

hambi va ti ko vaho hagari ka ditiko vavamna vava vavararu i ku Nowa, Dhaniyele ni Jobe, vona ngu kululama kwawe, va ndi na hulukisa mihefemulo yawe dwe, kuwomba Mkoma Txizimu.

Jeremiya 14:11

Sekoko Mkoma a ti khene kwangu: U nga vakombelele wunene vathu vava.

Jeremiya 11:14

Ngu konaho, u nga va kombelele vava vathu, u nga thuke u guleta dipswi ngu vona ngu mkombelo, nguko kha ni na mbi va pfa mbimo yi va dilako kwangu, ngu mhaka ya dikhombo dawe.

Masalmo 106:23

Txizimu txi pimisile ku va lovisa. Aniko, Mosi, msawuleki wa Txizimu, a va kombelete, kasiku Txizimu txi kuthutha, txi si va lovisi.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.

1 Samuwele 7:9

Sekoko Samuwele a to teka txinvutana txo ngadi txi txi mama, e maha ngu txona txotshe mphaxo wo hiswa ka Mkoma; Samuwele a to kombelela va ka Israyeli ka Mkoma, se Mkoma a to mu engisa.

Jeremiya 52:3

Ngu kota yeto ku to maheka tito, ngu mhaka ya kuhenyelwa ka Jerusalma ni Judha ngu Mkoma, ene a to va tshotsha kule nayo; se Zedhekiya a to wukela mfumeli wa Bhabhilona.

Jeremiya 23:39

ngu ditshuri ani ni na mi divala da magwito, ni txi mi tutumisa masoni kwangu, anu ni didhoropa diya ni nga mi ninga, ni ka vatate vanu.

Jeremiya 18:20

Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

Jeremiya 15:19

Ngu konaho, Mkoma a khene: Ngako u txi tshumelela kwangu ni na ku wuyisa ti taku u txi maha mlondeteli wangu. Ni kungako u txi tisa sa lisima, u leka si so biha, awe u na va txisofu txangu. Vona va na tshumelela kwako, aniko awe khu na mbi tshumelela kwawe.

Mavingu 14:35

Mfumeli a tsakiswa ngu txithumi txo txhariha, aniko kuhenya ka mfumeli ku na wa txitimwi ka wule a tsimbilako ngu kuwekela.

Vahebheru 9:24

Se, Kristu kha wulela ka wukhalo wo sawuleka wo mahwa ngu manza a m'thu, txifananiso txa wukhalo wo sawuleka wa ditshuri. Aniko a wulete nzumani kupune, kasi ku a txi ya hi emela konkuwa masoni ka Txizimu.

Jeremiya 35:19

Mkoma wa Mabutho a Tiyimbi, Txizimu txa ka Israyeli, a womba tiya: Kha ku na mbi pwateka wamwamna ka Jonadhabhe, mwana Rekabhi, awu a no ema masoni kwangu ka otshe masiku.

Valamuli 5:9

Mbilu yangu yi bonga vathangeli va ka Israyeli, a vale va nga ti ningela ngu kuranda kwawe kasi kuthumela ditiko. Dhumisani Mkoma!

Genesisi 19:27

Ni mixo ngutu, Abrahamu a to khukha eya ha wukhaloni hale a nga ti ka wona, a txi womba-womba ni Mkoma.

Zakariya 3:3

Sekoko, Joxuwa, a ti ambate syambalo sa nzambwa, a di emile masoni ka ngelozi.

Dhewuteronome 9:26

Ni to khongela ka Mkoma ni txi khani: Mkoma Txizimu, u nga lovise vathu vako, ni thomba yako, ngawe u nga va tirula ngu wuhombe wako, u txi va humisa ditikoni ka Egipta, ngu dianza dako da mtamo.

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

Jeremiya 9:19

Nguko dipswi da txidilo di pfate ngu Siyoni, di txi kha dona: Yowe! Kuloviswa kwathu! Hi ta so mba tingana, nguko hi lekile ditiko, se vona va hasamute tinyumba tathu.

Jeremiya 10:18

Nguko Mkoma a khene: Ka yiya mbimo ni na tshotsha kule vazumbi va ditikoni, ni na va xanisa veza ve tipfa, va txi kha vona:

Jeremiya 16:5

Nguko Mkoma a khene: U nga wulele nyumbani ka txidilo, u nga tsule navo kusalukani, hambi ku va xanisekela; nguko ni thavisile kuthutha kwangu ka diya ditiko, kuwomba Mkoma, ina, wunene ni wumbilu.

Jeremiya 16:13

Ngu konaho, ni na mi tshotsha hahanze ka diya ditiko, mi txi ya ka ditiko di mi si di ziviko, anu, hambi vatate vanu; mi na ya si thumela kona simwani sizimu wusiku ni mitshikari, nguko na mbi mi pfela wumbilu.”

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Ezekhiyele 22:30

Hagari kwawe ni lavile wamwamna wa kuva a nga tsivela diguma, na a ti ka ditshoko masoni kwangu, kasi ku ni si di khundumusi; aniko kha na mana ni wammweyo.

Jeremiya 14:12

Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

Hoseya 9:15

Wotshe wubihi wawe wu maneka Giligali nguko nguho ni nga va nyenyela kona; ngu mhaka ya wubihi wa mithumo yawe, ni na va tshotsha hahanze ka nyumba yangu, kha ni na mbi va randa kambe; votshe vathangeli vawe mba kutitsimba.