Jeremiya 14:6 - Bhiblia Yo Sawuleka

⁶ Timangwa ti emile mimangoni, to bhibhikelana kufana ni vanyapwe; maso a tona ma pfhupete, ngu kupwateka ka mwasi wa wuphya.

Jeremiya 14:6 Referans Kwoze

Jeremiya 2:24

Awe u fana ni mangwa ya mkati, ayiya ngako yi txi hokelwa ngu mbimo yo lava matune, yi txi hanuka kha yi tumeli ku tshumetwa ngu m'thu; ngako matune a txi yi lava kha na mbi karala, a na yi mana ngu mtxima wa yona

Joyeli 1:18

Eto si dilisako tona sifuyo! Mitxhambi ya tihomu ta vamakati ya kanganyiseka, nguko kha yi nga ni ko dya kona; ni yona mitxhambi ya tinvuta ya hetwa.

Sidilo 5:17

Ngu toneto, ti tsivalisilwe timbilu tathu; kambe ni maso athu ma pfhupete.

Sidilo 4:17

Maso athu, ma ti guma mtamo, hi txi verela kuvhunwa, hi si mani m'vhuni. Hi ti wonisela vathu hi txi tandeka ku va hulukisa.

1 Samuwele 14:29

Sekoko Jonatani a to khene: Tate wangu wa nemetisa vathu, wonani, maso angu ma tulekile ngu kule ni nga danzanyana wulombe wuwa.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.