Jeremiya 14:3 - Bhiblia Yo Sawuleka

³ Vahombe vawe va rumile vavadotho kuya lava mati. Va txita sisimani kha va mani mati, va tshumela ni tifuko tawe ta maphanga. Vapfa tingana va txi goo! Na va txi fenengeta misungo yawe.

Jeremiya 14:3 Referans Kwoze

2 Samuwele 15:30

Se Dhavhidha a to kwelela ngu mmango wa miolivha, na a txi dila, a di fenengetile msungo, a to tsimbila asi ya ambala txilo mikondoni; se votshe vathu vale a nga ti nayo va to ti fenengeta misungo yawe ve kwelela va txi dila.

Masalmo 40:14

Va na thelwe tingana votshe vale va lavako ku ni daya. Va na tshumelele msana ve xowoka ngu tingana votshe vale va ni navelelako makhombo!

2 Vafumeli 18:31

Mi nga mu engiseni Ezekhiya; nguko mfumeli wa Asiriya a khene: Humani didhoropanimo mi txi ta ti ningela kwangu; kasi m'thu ni m'thu a na dya sa muuvha wakwe ni mkuwu wakwe, kambe mmweyo ni mmweyo a na sela mati a txisimani kwakwe.

Amosi 4:8

Kambe kutsimbite vapeperuki ka madhoropa mambidi mwendo mararu, va txi ya ka didhoropa dimwani, kasi kuya sela mati, aniko kha va kolwa: Aniko kha ma hundulukela kwangu, kuwombile Mkoma.

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Joyeli 1:20

Ni sotshe sihari sa txitinga sa dila kwako; nguko minambo yi omile, se mndilo wu hisile wudyiselo wa txiwulani.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Jeremiya 14:4

Vadimi va wiswa tingana, ve fenengeta misungo yawe. Nguko mafu ma bhandekile, ngu mhaka ya kupwateka ka mati ha mafuni.

Masalmo 109:29

Valala vangu va na tale ngu tingana; tingana tawe ti na va fenengete nga nguwo!

Jobe 6:20

Va wisilwe tingana, nguko va ti ti ni kuthemba, msana keto va to mana dikhodho.

Esteri 6:12

Msana keto, Mordhekayi a to tshumela eya ha txikeni ka mfumeli; kambe Hamani a to khukha ngu kututuma e tsula m'tini kwakwe, a di henyile, e ti fenengeta msungo.

1 Vafumeli 17:7

Se ku to maheka to, ngu kupinda ka masiku, txinambwana txi to oma, nguko ma si zivi kuwa mati.

2 Samuwele 19:4

Mfumeli koko, a ti ti fenengetile khohe yakwe, a txi kwangula a txi khene: Yowe mwanangu Abhisalome! Abhisalome, mwanangu, mwanangu!

Jeremiya 2:37

Kambe u na huma u di sanzekile mawoko ako ha msungo; nguko Mkoma a lambile va u va thembako, khu na mbi humelela ngu vona.

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Jeremiya 15:18

Kupandiseka kwangu kusimamisa ngu kutxani kani? Ni txilonda txangu kha txi thumwi, txi lamba kuhola kani? Ina kwangu u na va txisima txo xengisa kani, mwendo mati awa ma phwako kani?

Sidilo 4:4

Lidimi li vamamako ngu lona, li namarela ngu ditora; vanana va kombela sakudya, aniko kuwalo wu a va ningako.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,

Zakariya 14:17

Se ku na maheka taku, ngako mwaya wokari wu si kweleli Jerusalema, kuya khozela Mfumeli, Mkoma wa Mabutho a Tiyimbi, mwayewo kha wu na mbi nelwa ngu nzuma.

Amosi 4:7

Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.