Jeremiya 14:22 - Bhiblia Yo Sawuleka

²² ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Jeremiya 14:22 Referans Kwoze

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.

Jeremiya 5:24

Kha va wombi timbiluni kwawe, va txi kha vona: A hi thaveni Mkoma Txizimu txathu, awu a ningako mati o khata ni a wuxika ngu timbimo ta kona, awu a hi xayiselako mavhiki a kufunyela kwathu.

Masalmo 135:7

Ene wa wuyisa marefu a diphuho ngu magemeta-mitshi ka mafu; wa humisa singwalangwanda, wa wisa mati a nzuma wa tulela maphuho me huma ngu ku khotelwani ka ona.

Isaya 30:23

Sekoko a na nisa mati txitimwi ka mbweu yi u no phaya mafuni; kumweko ni dipawu dadiphya da mafuni; mafu ma na nona me pfuna; ka ditshiku dile, sifuyo sako si nadya ka makhalo o anama a wudyiselo.

Dhewuteronome 32:21

Va wusile txiviti txangu ngu mhaka ya kulondeta si i singako Txizimu, va ni henyisile, ngu mhaka ya sithombe sawe sa walo, aniko nani ni na wusa txiluse txawe; ngu kutisawulela vathu va i si nga va vanene, ni na wusa txiviti.

Jeremiya 51:16

A txi pfalisa dipswi ngu kudhinda ka hombe ka mati nzumani, ni tihunguva, kukhukhela magwito ka mafu: Wa maha kukeluka ma txi wa mati, ni kuhumisa moya ngu mu wu zumbako kona.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

Masalmo 130:5

Ni verela Mkoma; Moya wangu wa m'verela, se ni verela dipswi dakwe.

Masalmo 25:21

Wunene ni kululama si na ni vhikele, nguko themba yangu ni yi vekile kwako.

1 Vafumeli 17:14

Nguko Mkoma, Txizimu txa Israyeli, a khene: Mpupu kha wu na mbi guma khadini, ni mtona kha wu na mbi pwateka txibhembeni, kala ka ditshiku dile Mkoma a no nisa mati ha mafuni.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Dhewuteronome 28:12

Mkoma a na kutulela thomba yakwe ya yinene, i ku nzuma, kasi ku e nisa mati ngu mbimo ya kona amu ditikoni kwako, ni kukatekisa wotshe mthumo wa manza ako; awe u na txenekisa ka mifumo yotshe, aniko awe khu na mbi txeneka, txilo ka yona.

Mika 7:7

Ani koko, ni verela ka Mkoma; ni na verela ka Txizimu txa kuhanyiswa kwangu; Txizimu txangu txi na ni engisa.

Amosi 4:7

Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Masalmo 147:8

Ngene a fenengetako nzuma ngu marefu, a lulamisa mati kasiku mewa ha mafuni kambe wa milisa mwasi txitimwi ka mimango;

Masalmo 27:14

Themba Mkoma! Tsanisa, u nga thave txilo, themba Mkoma!

Masalmo 25:3

Ngu ditshuri, avale va themako awe, kha va na mbi wiswa tingana. Va na wiswa tingana avale va ku wukelako na ku si nga ni txigelo.

Jobe 5:10

Txa nisa nzuma txitimwi ka mafu, ni kuninga mati tithembweni.

1 Vafumeli 18:1

Se ku to maheka to msana ka masiku amangi, kutile dipswi da Mkoma ka Elija ngu dilembe da wuraru, di txi kha dona: Tsula u txi ya ti kombekisa ka Akabe, nguko ni na nisa mati txitimwi ka mafu.

1 Vafumeli 8:36

va engise awe koko nzumaniyo, u divalela txionho txa sithumi sako ni txa vathu vako va ka Israyeli, ni ku va gondisa to va na tsimbile ngu nzila ya yinene, nisa mati ka mafu awa u nga ninga vathu vako kuva thomba.

Matewu 5:45

Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

Jeremiya 5:12

Va kaneta Mkoma, va txi kha vona: “Hi nga ene! Lambi, kha ku na mbi wa dikhombo txitimwi kwathu; hambi ditxhari mwendo nzala, kha hi na mbi si wona!

Jeremiya 10:3

Vamatiko va kholwa ka sizimu sa walo. Nguko mndonga wu nga wilwa txitingani, kuthumiswa nzanga ya mvati;

Hoseya 2:7

Se a na londeta sigango sakwe, aniko kha na mbi si manela; a na si lava aniko kha na mbi si mana. Sekoko a na khene: “Ni na tsula, ni tshumelela ka mwamna wangu wo khata, nguko kona ni ti tshuko kupinda kuwa.”

Jobe 28:26

mbimo yile txi nga veka mlayo ka mati a nzumani, ni nzila ya nyangafula ya kudhinda.

Jeremiya 10:12

Mkoma a mahile mafu ngu mtamo wakwe, e tsanisa ditiko ngu wutxhari wakwe, ngu wuzivi wakwe a nawulutile nzuma.

Mika 5:6

Evo va na heta ditiko da Asiriya ngu ditxhari, ni ditiko da Nimirodhi, amu ka tinzila tawe ta hombe. Ngu kumaha keto a na hi hulukisa ka Asiriya, mbimo yile va nota ditikoni kwathu, ni mbimo yi va no ndaka mihingano yathu.