Jeremiya 14:20 - Bhiblia Yo Sawuleka

²⁰ Athu ha ziva kubiha kwathu, awe Mkoma, ni sionho sa vatate vathu, nguko athu hi kuonhete.

Jeremiya 14:20 Referans Kwoze

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Jeremiya 3:13

U fanete kutumela wubihi wako dwe, ti taku u lekile Mkoma, Txizimu txako, na u txi tutuma ka madhawa otshe uya ka sizimu sa vamatiko, hahatshi ka mindonga yotshe yo nyuka, kha ma engisa dipswi, kuwomba Mkoma.

Jobe 33:27

A na wona vathu, a txi khene: Ni onhile, ni ndakile mlayo, aniko kha ta ni vhuna txilo.

Nehemiya 9:2

Se liveleko la ka Israyeli li to ti hambanisa ni votshe vamatiko, se ve ema ve ti tshanza ngu mhaka ya sionho sawe ni wubihi wa vatate vawe.

2 Samuwele 24:10

Se msana kova va di batwe vathu, mbilu ya Dhavhidha yi to panda, kambe Dhavhidha a to khene ka Mkoma: Ni onhile ngutu ngu ti ni nga maha, kambe konkuwa, awe Mkoma, ni kombela ku u thavisa kuonha ka txithumi txako, nguko ni mahile wuphukuphuku wa hombe.

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Sidilo 1:20

Wona Mkoma, ati ni xanisekisako tona; moya wangu wu ha kukaratekani ngutu. Ni ha kupandisekani ka hombe ngutu, nguko ni ti lambisile ngutu. Hahanze kheya, ni dawetwe vanana ngu ditxhari; mndani kwangu ku ni lifo.

Sidilo 3:42

Hi ti lambisile hi kuonhela, awe Mkoma, ngu mhaka yeto, khwa hi divavela.

Sidilo 5:7

Vatate vathu va onhile, aniko konkuwa kha va ngaho; se athu vanana vawe hi rwekwa sionho sawe.

Amosi 7:2

Se ku to maheka taku: Ngako va nga ti dyite mwasi wotshe wa ditiko, ani ni ti khani: Mkoma Txizimu, divalela! A na guletiswa kutxani Jakobe kani? Nguko ene m'dotho.

Dhaniyeli 9:15

Kha ditshuri, awe Mkoma, Txizimu txathu, u nga humisa vathu vako ditikoni ka Egipta ngu dianza dako da mtamo, aniko u mana ditina, i ku ti ti wonekako nyamsi, hi onhile; hi mahile kubiha.