Jeremiya 14:18 - Bhiblia Yo Sawuleka

¹⁸ Nguko ni txi ya wona thembweni vaho va va nga dayiswa ngu ditxhari. Ni ku ngako ni txi wulela m'tini ni wona va va fako ngu nzala: Ina ngu wumbidi wawe mprofeti ni mphaxeli va zungulukela na va si kuzivi aha vayako kona.

Jeremiya 14:18 Referans Kwoze

Ezekhiyele 7:15

Hahanze ku ni ditxhari, mndani ku ni mtungu ni nzala; awule a no maneka hahanze a na dawa ngu ditxhari, se awule a no maneka didhoropani, a na fuviswa ngu nzala ni mtungu.

Sidilo 1:20

Wona Mkoma, ati ni xanisekisako tona; moya wangu wu ha kukaratekani ngutu. Ni ha kupandisekani ka hombe ngutu, nguko ni ti lambisile ngutu. Hahanze kheya, ni dawetwe vanana ngu ditxhari; mndani kwangu ku ni lifo.

Jeremiya 8:10

Ngu konaho ni na ningela vasikati vawe ka vamwani, ni tithembwe tawe ka va va no ti honyola. Nguko votshe va ti ningetete mu ko navela, kukhukhela ka wam'dotho kala ka wa hombe, kukhukhela ka vaprofeti kala ka vaphaxeli, votshe va kanganyisa.

Jeremiya 6:13

Nguko va ti ningetete mu ka kumbilukela, vanana ni vahombe, vaprofeti ni vaphaxeli, votshe va onga.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Dhewuteronome 28:36

Mkoma a na ku rurisa awe, kumweko ni mfumeli wule u no va u di m'vekile txitimwi kwako, a txi kuyisa ka ditiko di u si di ziviko awe ni vatate vako, se koneyo u na ya khozela simwani sizimu, so mahwa ngu mapulango ni marigwi.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Sidilo 4:9

Avale va nga dawa ngu ditxhari, va katekile kupinda vale va nga dawa ngu nzala, i ku vale va nga sika va txi goma, ngu kupwateka ka mihando tithembweni.

Jeremiya 23:21

Kha na va ruma vaprofetivo, aniko va ta so tutumela vapune; kha na womba-womba navo, aniko va to profeta vapune.

Jeremiya 2:8

Vaphaxeli kha va nga wotisa, va txi kha vona: Ahani Mkoma kani? Ni vañoli va mlayo kha va nga ni ziva. Vathangeli va to ni tshuralela. Ni vaprofeti va profetile ngu Bhahali. Ve londeta sa kwa mbi vhuna txilo.

Isaya 28:7

Aniko ni vona vava, va onha ngu mhaka ya vhinya, va dhedherekiselwa ngu sopa. Hambi vaphaxeli ni vaprofeti va dhedherekela ngu mhaka ya sopa; va mitwa ngu vhinya, va dhedherekela ngu sopa, va tandeka ni kutxhamusela siwoniso, se ve onha wulamuli.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Isaya 22:2

Awe didhoropa do tala ngu tihuwa; Didhoropa da tipfilupfilu, didhoropa do ndaka-ndaka ngu litsako, vafi vako hi nga vafi vo dawa ngu ditxhari, kambe kha va fela yimbini.

Jeremiya 6:25

Mi nga yeni thembweni hambi kutsimbila tinzilani; nguko ditxhari da mlala diho konemo da dhukisela ka otshe madhawa.

Amosi 4:6

Ngu mhaka ya eto ni mi ningile kubasiswa ka makwasa, ka otshe madhoropa anu, ni kupwateka ka dipawu, ka otshe makhalo yanu; hambi keto, kha ma hundulukela kwanu, kuwomba Mkoma.

Sidilo 2:19

Wuka, u peka nyandayeyo, u dila kukhatani ka sigava sa mikombelo ya wusiku, tshakunuta sotshe si si ku mbiluni kwako. U txi si humisa kubasani, masoni ka nyamne wa sotshe. Guleta mawoko ako kwakwe, u txi phaxela vanana vako, ava vafako ngu nzala sidingeni ka otshe magondo.