Jeremiya 14:16 - Bhiblia Yo Sawuleka

¹⁶ Vathuvo ku nga profetwa kwawe va na tshotshwa magondoni ka Jerusalema ngu mhaka ya nzala ni ditxhari, kha ku na mbi va ho wo va tshotsha: Vona ni vasikati vawe, ni vanana vawe va txiwamna ni va txisikati; nguko ani ni na tshakunuta wubihi wawe txitimwi kwawe.

Jeremiya 14:16 Referans Kwoze

Jeremiya 7:33

Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Mtuletelo 16:1

Se ni to engisa dipswi da hombe di txi ta ngu Dithepeleni, di txi gela tingelozi ta mtxhanu ni timbidi, di txi kha dona: “Tsulani, mi txi ya theketa txitimwi ka mafu, magombe a mtxhanu ni mambidi a kuhenya ka Txizimu.”

Matewu 15:14

Va lekeni! Mabhofu ma thangelelako mabhofu-kulowe; se ngako dibhofu di txi ñoleta lisole dimwani dibhofu, votshe va na wela diphalani ngu wumbidi wawe.”

Jeremiya 9:22

Womba! Mkoma a khene: Sirumbi sa vathu si nawa nga sinoniso mu thembweni ni ku nga milumbi ya mueluli, kha nga ho wa kurolela.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Jeremiya 4:18

Mahanyelo ako ni mithumo yako si ku wusete silo siya, ngu wona m'hando wa kubiha kwako. Kha ditshuri wa bava, ka panda ni mbiluni.”

Isaya 9:16

Nguko vathangeli va ditiko diya mbakanganyisi, se avale va va thangelako mbalovisi.

Isaya 51:20

Vanana vako va tsivate, va otete mahandakanyani ka totshe tinzila, kufana ni timhuti amu ka milawu; sekoko va tate ngu kuhenya ka Mkoma ni kukawuka ka Txizimu txako.

Jeremiya 8:1

Ka yoneyo mbimo, kuwomba Mkoma, marambu a vafumeli ni a manganakana a ka Judha, ni marambu a vaphaxeli, ni marambu a vaprofeti, ni marambu a vazumbi va Jerusalema, ma na fumbulelwa mayivani kwawe;

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Jeremiya 27:15

Nguko kha na va ruma, kuwomba Mkoma, vo profeta makuhu ngu ditina dangu, ku va ani ni txi na mi hangalasa, mi txi lova, anu ni vo va va mi profetelako makuhu.

Ezekhiyele 39:14

Kambe ku na sawulwa vathu vale va no tsimbila-tsimbila ditikoni ve tshotshela sirumbi sile si no va si di saletete, kasi ku di sawulekisa; ewo mthumo wu na heta mtxhanu wa mitxima ni yimbidi.

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Jeremiya 9:20

Anu vavasikati, hi nga pfani mhaka ya Mkoma, ni tinzeve tanu ti na amukele dipswi da txisofu txakwe. Gondisani txidilo ka vanana vanu va txisikati, mmweyo ni mmweyo e gondisa lisima la txidilo.

Jeremiya 20:6

Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”