Jeremiya 14:15 - Bhiblia Yo Sawuleka

¹⁵ Ngu konaho, Mkoma a womba eto madingano ni vaprofeti vale va profetako ngu ditina dangu, na ni sa va ruma, ava va ku kha vona: Ditxhari ni nzala kha si na mbi va ho ditikoni muwa, a txi khene: Vaprofeti va na loviswa ngu ditxhari ni nzala.

Jeremiya 14:15 Referans Kwoze

Ezekhiyele 14:10

Se mprofeti ni m'thu wule, va na rwala mnandu wawe; mnandu wa wule a wotisako wu na va mnandu wa mprofeti;

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Jeremiya 20:6

Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

1 Vafumeli 22:25

Se Mikaya a to khene: U na ti wona ka dona ditshiku edo, mbimo yile u no wulela ka nyumba ni nyumba, u txi lava ko sisala.

Jeremiya 23:30

Ngu konaho, na wukela vaprofeti, kuwomba Mkoma, ava va pako timhaka tangu, mmweyo ni mmweyo ka dixaka dakwe.

Jeremiya 27:15

Nguko kha na va ruma, kuwomba Mkoma, vo profeta makuhu ngu ditina dangu, ku va ani ni txi na mi hangalasa, mi txi lova, anu ni vo va va mi profetelako makuhu.

Sidilo 1:19

Ni dhani vale va nga ti ni dhunda, aniko va ni kanganyisile; vaphaxeli vangu ni madhota angu va gumile amu didhoropani, mbimo yi va nga ti lava sakudya, so va txi wuseta mitamo yawe.

Sidilo 2:20

Awe Mkoma, wona! U txi wonisisa ti to i mani u mmahelako tiya. Ina vamame va fanete ku ti dyela vanana va va va randako, kani? Ina vaphaxeli ni vaprofeti va dingana kudawa va txi fela ka wukhalo wako, wo sawuleka kani?

Ezekhiyele 13:14

Se ni na wisa diseta di mi ngadi kopola ngu txitsowo, kambe ni na di khundumusa ni di wisa hahatshi, ni sitsaniso sa dona si na sala hahanze; di na wisa tona tiya, kambe anu mi na mwalala hagari ka dona, mi na tiziva taku ani ngani Mkoma.

Ezekhiyele 14:9

Se ngako mprofeti a txi xengwa e womba to kari, ani Mkoma ni nga mkujetela eyo mprofeti; ni na nawuluta dianza dangu ni txi mfuvisa hagari ka vathu vangu va Israyeli.

Mika 3:5

A womba tiya Mkoma ka vaprofeti, va va timetako vathu vangu, va va lumako ngu makwasa awe va txi kha vona: Kuthutha! Se awule asi va kovetisiko txilo mkanani, va mxomela yimbi.

Dhewuteronome 18:20

Kambe mprofeti wule a no tsana e womba-womba ngu ditina dangu, mhaka yi ani ni nga mbi mleleta, mwendo a txi womba-womba ngu ditina da simwani sizimu, eyo mprofeti a na fa.”

Jeremiya 8:13

Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Ezekhiyele 13:9

Se dianza dangu di na lwisa vaprofeti vale va wonako ta manyala ni kuhuta makuhu; kha va na mbi maneka ka msengeletano wa vathu vangu, kambe kha va na mbi bhalwa ka nyumba ya ka Israyeli, hambi kuwulela ditikomi ka Israyeli; se mi na tiziva taku ani ngani Mkoma Txizimu.

Ezekhiyele 13:15

Ngu kumaha keto, kuhenya kwangu ku na woneka ha disetani, ni ka vale va di kopolako ngu txitsowo, ni na mi gela ku khani: Diseta kha di nga nga diho, hambi ni vale va ngadi kopola,

Ezekhiyele 33:6

Kambe ngako muwoneleli a txi wona taku data ditxhari, asi veti mpundu, se vathu va si txharihiswi; ngako ditxhari di txi ta daya wokari hagari kwawe, m'thu wuwa a datwe ngu mhaka ya wubihi wakwe, aniko mnoha wakwe, ni na wu lava manzani ka muwoneleli.