Jeremiya 14:14 - Bhiblia Yo Sawuleka

¹⁴ Mkoma a to ni xamula, a txi khene: Vaprofeti va profeta makuhu ngu ditina dangu; kha na va ruka, kha na va laya; kha na womba txilo kwawe. Va profeta kwangu siwoniso sa makuhu ni kuhuta, ta walo to divalisa timbilu tawe.

Jeremiya 14:14 Referans Kwoze

Ezekhiyele 12:24

Nguko kha ku na mbi maneka kambe ni txa tximwetxo txiwoniso txa walo, hambi kuxaxuva ka walo, hagari ka Israyeli.

Jeremiya 29:31

Rumela dipswi ka votshe va ku wukhumbini, u txi khawe: Mkoma a khene xungetano ngu Semaya wa niya Nehelame: Nga kule Semaya a nga profeta kwanu ni sa mruma, a txi mi maha mi themba makuhu.

Sidilo 2:14

Vaprofeti vako va ku wonete siwoniso sa manyala ni wuhundwa, kambe va tandekile kunuwela wubihi wako, kasi kuretha wukhumbi wako; aniko va woni tithundu ta walo, ni so dingana ku kutovelisa va txi kuxenga ngu tona.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Ezekhiyele 21:29

Hambi va txi kuwona u si nyawuli, hambiko va txi kuhuta makuhu kasi ku kuhayeka mkoloni ka vaonhi, ava va nga dayiselwa va txi fa, ditshiku di nata da kutsayiswa ka hombe.

1 Timoti 4:2

Ngu mhaka ya kukanganyiswa ngu vamakuhu, avava livhalo lawe li nga vekwa txibawa ngu simbi yo hiswa:

Zakariya 13:3

Se ku na maheka taku, ngako wokari a txi ngadi e profeta, tate wakwe ni mwamwakwe va nga m'veleka, va na kha vona: Khu na mbi hanya, nguko u wombawombile makuhu ngu ditina da Mkoma; se tate wakwe ni mwamwakwe, va nga m'veleka, va na thola efa, a txi ngadi e profeta.

Zakariya 10:2

Nguko sithombe sa sizimu si womba-womba ta walo, se vahuteteli va tolovela kuwona makuhu ni kutxhamusela miloro ya walo, va thavelelana ngu ta kwa mbi nyawula; ngu toneto, va tsimbilisa ku nga tinvuta, va txi xaniseka, nguko kha ku nga ni m'dyisi.

Ezekhiyele 13:23

ngu kumaha keto kha mi na mbiswa mi di wona manyala kambe, kambe kha mi na mbi ngadi mi hutetela; aniko ni na txhatxhisa vathu vangu manzani kwanu, se mi na tiziva taku ani ngani Mkoma.

Jeremiya 37:19

Va hani koko vaprofeti vanu avale va nga txi profeta kwanu, va txi khene: Mfumeli wa Bhabhilona kha na mbi mi wukela hambi kuwukela ditiko diya kani?

Jeremiya 29:21

Mkoma wa Mabutho a Tiyimbi, Txizimu txa Israyeli, a khene xungetano ngu Ahabi, mwana Kolaya, ni Zedhekiya, mwana Maaseya, ava va mi profetelako makuhu ditinani kwangu: Wona, ni na va ningela manzani ka Nebhukodhonosori, mfumeli wa Bhabhilona; ene a na va daya masoni kwanu.

Jeremiya 28:15

Mprofeti Jeremiya a to engeta e womba ka mprofeti Hananiya, a txi khene: Engisa-ka, Hananiya; Mkoma kha kuruma; aniko u maha ti taku vathu vava ve lumba makuhu.

Jeremiya 28:13

Tsula u txi ya gela Hananiya, u txi khawe: Mkoma a khene: U funyetete dikange da mndonga, aniko wukhaloni ka dona u na va ni dikange da txikete.

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

Dhewuteronome 18:20

Kambe mprofeti wule a no tsana e womba-womba ngu ditina dangu, mhaka yi ani ni nga mbi mleleta, mwendo a txi womba-womba ngu ditina da simwani sizimu, eyo mprofeti a na fa.”

Isaya 56:10

Votshe vawoneleli vakwe va mabhofu, kha va zivi txilo; votshe ndimbwa ta siduma, kha va sikoti kuwukula; mba wukohe, va zumba va di otete, kambe va randa kukhudhahela.

Jeremiya 8:11

Kha va theli kota ngu kuthuma txilonda txa m'horana wa vanana vangu, va txi kha vona: Kuthuthile, kuthuthile, kuve kha ku na kuthutha.

Jeremiya 20:6

Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”

Jeremiya 28:11

Se Hananiya a to womba masoni ka votshe vathu, a txi khene: Mkoma a khene: Ni na di funyisa tona eto, dikange da Nebhukodhonosori, mfumeli wa Bhabhilona, msana ka malembe mambidi o tala, tithamoni ka otshe matiko. Se mprofeti Jeremiya, a to ti tsimbilela nzilani kwakwe.

Sidilo 2:9

Matimba akwe ma fayetetwe; Mkoma a khundumusete ni kufunyeletela matimba a tisimbi; mfumeli wakwe ni vathangeli va kona va ka matiko o mbi na milayo, kuve vaprofeti kha va mani txiwoniso ni txatximwetxo ngu ka Mkoma.

Jeremiya 8:10

Ngu konaho ni na ningela vasikati vawe ka vamwani, ni tithembwe tawe ka va va no ti honyola. Nguko votshe va ti ningetete mu ko navela, kukhukhela ka wam'dotho kala ka wa hombe, kukhukhela ka vaprofeti kala ka vaphaxeli, votshe va kanganyisa.

Ezekhiyele 13:2

Awe mwanana wa m'thu, profeta u wukela vaprofeti va ka Israyeli, va profetako, u txi womba ka vale va profetako ti ti wonwako ngu timbilu tawe, u txi khawe: Engisani dipswi da Mkoma.