Jeremiya 14:13 - Bhiblia Yo Sawuleka

¹³ Se ani ni ti khani: Ha, Mkoma, Txizimu, vaprofeti va womba kwawe, va txi kha vona: Kha mi na mbi wona ditxhari, hambi kuve ni nzala; aniko a na mi ninga kuthutha ko tsana ka wuwa wukhalo.

Jeremiya 14:13 Referans Kwoze

Jeremiya 6:14

Kha va khatala kuthuma tivandwa ta vathu vangu va txi kha vona: Kuthuthile, kuthuthile! Na ku si nga ni kuthutha.

2 Pedro 2:1

Kambe va manekile vaprofeti va makuhu hagari ka vathu, nga tona ti va no va va diho vagondisi va makuhu hagari kwanu, ava va no wuyisa tigondo to hambuka, ati ti onhako, ve lamba Mkoma wu a nga va tirula, ve ti wuyisela kulova ka txikuluveta txitimwi kwawe.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Jeremiya 23:17

Va txhumayela va di ka so vavalu ka va va ni kanyisako, va txi kha vona: Mkoma a khene: Mi na zumbiseka kha kwati. Ni ka votshe va tsimbilako ngu kubanga ka timbilu tawe, va txi kha vona: Kha di na mbi ta dikhombo txitimwi kwathu.

Jeremiya 4:10

Sekoko ani ni to khani: “Ha, Mkoma! Txizimu u lundumisile vathu vava ni Jerusalema, u txi khawe: Anu mi na va ni kuthutha kuve ditxhari da va thola va hafuhi ni kufa.”

Jeremiya 8:11

Kha va theli kota ngu kuthuma txilonda txa m'horana wa vanana vangu, va txi kha vona: Kuthuthile, kuthuthile, kuve kha ku na kuthutha.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Jeremiya 5:12

Va kaneta Mkoma, va txi kha vona: “Hi nga ene! Lambi, kha ku na mbi wa dikhombo txitimwi kwathu; hambi ditxhari mwendo nzala, kha hi na mbi si wona!

Jeremiya 1:6

Sekoko ani ni ti khani: “Oho! Mkoma Txizimu! Wona taku kha ni sikoti kuwombawomba; nguko ni mwanana!”

Isaya 56:10

Votshe vawoneleli vakwe va mabhofu, kha va zivi txilo; votshe ndimbwa ta siduma, kha va sikoti kuwukula; mba wukohe, va zumba va di otete, kambe va randa kukhudhahela.

Jeremiya 5:13

Hambi vaprofeti va na nga moya, nguko kha va nga ni dipswi; ati va wombako ti na humelela kwawe.”

Ezekhiyele 12:24

Nguko kha ku na mbi maneka kambe ni txa tximwetxo txiwoniso txa walo, hambi kuxaxuva ka walo, hagari ka Israyeli.

Jeremiya 20:6

Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”

Jeremiya 37:19

Va hani koko vaprofeti vanu avale va nga txi profeta kwanu, va txi khene: Mfumeli wa Bhabhilona kha na mbi mi wukela hambi kuwukela ditiko diya kani?