Jeremiya 14:12 - Bhiblia Yo Sawuleka

¹² Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

Jeremiya 14:12 Referans Kwoze

Ezekhiyele 8:18

Ngu kumaha keto, nani ni na va henyela; diso dangu kha di na mbi va tsetsa, kambe kha ni na mbi va ni wumbilu; hambi va txo kwangula tinzeveni kwangu ngu dipswi da hombe, kha ni na mbi va engisa.

Jeremiya 11:11

Ngu konaho, Mkoma a khene: Ni na neha dikhombo txitimwi kwawe, kha va na mbi huluka ka dona; va na dilela kwangu, aniko kha ni na mbi va engisa.

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Mavingu 1:28

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana.

Zakariya 7:13

Se ku to maheka tito, ngako ene a nga kwangula, vona kha va engisa, ngu toneto, ni vona va na kwangula, aniko ani kha ni na mbi va engisa, kuwomba Mkoma wa Mabutho a Tiyimbi.

Mika 3:4

Sekoko, mi na dila ka Mkoma, aniko kha na mbi mi engisa, ka mbimo yoneyo a na mi sisela khohe yakwe, nguko vona va mahile mithumo yo biha.

Ezekhiyele 14:21

Nguko Mkoma Txizimu a khene: Ngutu-ngutu ni txi rumela valamuli vangu va mune va tshofu, ditxhari, nzala, sihari sa tshofu, ni mtungu, kona Jerusalema, kasi kuthavisa vathu ni sihari kani?

Jeremiya 24:10

Ni na va rumela ditxhari, ni nzala, ni mtungu, veza va txi bhi ka ditiko diya, ni nga va ninga vona ni vatate vawe.”

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 9:16

Ni na va hangalasa hagari ka matiko awa vona hambi vatate vawe va nga mbi ma ziva, ni na rumela ditxhari, niza ni va heta.

Isaya 58:3

Va txi kha vona: Se hi titonela txani sakudya, na u si hi woni kani? Hi txanisela txani muhefemulo wathu, na awe u si ti zivi kani? Wonani taku, ditshiku di mi ti tonako sakudya, mo mana ku ti tsakisa mipune, kambe mi lwela wotshe mthumo wanu.

Mavingu 28:9

Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Mtuletelo 6:8

Ni to wona ku txi humelela dihantxhi do kwalala. Mgadhi wa dona a ti dhanwa ku i “Kufa,” se a ti londetelwa ngu Gehena. A ningilwe mtamo wa kufuma didhawa da wumune da mafu, kasiku e daya vathu ngu ditxhari, ni nzala, ni ntungu ni sihari sa txitinga.

Jobe 27:9

Ina Txizimu txi nga dhuka txipfa kudila kwakwe, ngako a txi telwa ngu sikarato kani?

Jeremiya 8:13

Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Jeremiya 21:6

Ni na xasela vazumbi va didhoropa diya, vathu ni sihari, va na fa ngu mtungu wa hombe.

Jeremiya 32:24

Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Ezekhiyele 14:19

Niku ngako ani ni txi rumela mtungu ditikoni, ni theketa txiviti txangu ka dona ngu mnoha, kasi kuthavisa ka dona vathu ni sihari;

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Amosi 5:21

Na venga, na txhipisa mibuso yanu, ni mitshangano yanu ya hombe, nguko kha si ni tsakisi ni kakumweko.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Malakiya 2:13

Timwani ti mi mahako ngu tiya: Mi tata txiluvelo txa Mkoma ngu mirongo, ni kudila, ni kuketa; a ha ko ene asi ngadi kambe e wona mningelo, hambi kuamukela sa manzani kwanu, a di tsakile.

Jeremiya 11:14

Ngu konaho, u nga va kombelele vava vathu, u nga thuke u guleta dipswi ngu vona ngu mkombelo, nguko kha ni na mbi va pfa mbimo yi va dilako kwangu, ngu mhaka ya dikhombo dawe.

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.