Jeremiya 13:24 - Bhiblia Yo Sawuleka

²⁴ Ngu konaho, ni na va hangalasa kufana ni mthungu awu wu huhiswako ngu diphuho da mu txiwulani.

Jeremiya 13:24 Referans Kwoze

Masalmo 1:4

Kasi hi nga toneto vabihi; vona va fana ni mwasi wu wu huhiswako ngu diphuho.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Hoseya 13:3

Ngu toneto, va na fana ni direfu da mixo ni ku nga mwando wa mabimbi-kutxa wu kuluvetako kutshatsheka, kufana ni mazokoro ale txihuhuri txi ma rinzako ngu txihuleloni, ni kufana ni wutshi wa txiroroni.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Ezekhiyele 5:2

U na hisa lipimo limwelo la wuraru la misisi ngu mndilo, hagari ka didhoropa, ngako ma di gumile masiku a kurandela; sekoko u na teka limwani lipimo, u txi li wilela ngu ditxhari u txi horoloka didhoropa; se lipimo la wuraru lo gwitisa, u na li xwaya; nguko ni na li tutumisa ngu ditxhari.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Zefaniya 2:2

kusanzi kuhuma txileleto, aha ditshiku di no pindisa ku nga mwasi; kusanzi kuta txitimwi kwanu kuhenya ka Mkoma; ina, di sanzi kuta txitimwi kwanu ditshiku da kuhenya ka Mkoma.

Ezekhiyele 17:21

Se votshe vathu vakwe vale va tutumako, ni masotxhwa a kona, va na dawa ngu ditxhari, kambe avale va no sala, va na hangalaka ka madhawa amangi; mi na tiziva taku ani Mkoma ni wombile.

Ezekhiyele 6:8

Hambi keto ni na leka vokari ve huluka ditxhari hagari ka matiko, mbimo yile mi no hangalaswa ka matiko.

Isaya 41:16

Awe u na si tsetseta, se moya wu na si purumisa, txihuhuri txi na si hangalasa; aniko awe u na tsaka ka Mkoma, u na ti dhumisa ka Msawuleki wa Israyeli.

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Dhewuteronome 32:26

Ni ti khani: “Ni na va hangalasa, va si swi va txi alakanywa hagari ka mafu!”

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

Jeremiya 9:16

Ni na va hangalasa hagari ka matiko awa vona hambi vatate vawe va nga mbi ma ziva, ni na rumela ditxhari, niza ni va heta.

Jeremiya 18:17

Ku nga diphuho da muhuma-ditambo ni na va hangalasa masoni ka valala vawe; ngu ditshiku da kuloviswa kwawe. Ni na va tshuralela ni si va kombi khohe.”

Sidilo 1:15

Mkoma a txhipisile totshe tindena tangu hagari kwangu; a sengeletile vathu vo talwa ni majaha angu a ni kandetete a txi nga o suka mauvha ha libangani, ani ni ku dihorana da Judha.