Jeremiya 13:22 - Bhiblia Yo Sawuleka

²² Ngako u txi womba mbiluni kwako, u txi khawe: “Ti tisa kutxani kwangu ta ku nga tiya kani?” Ziva ti to u vhunungutwe syambalo sako, ngu mhaka ya kubiha kwako ka hombe, ni sizenende sako si pekilwe.

Jeremiya 13:22 Referans Kwoze

Nahume 3:5

Wona taku ani na kuwukela, kuwomba Mkoma wa Mabutho a Tiyimbi, se ni na vhunungula khohe yako, ni kombisa wumbwiri wako ka matiko, ni tingana tako ka mifumo.

Jeremiya 5:19

Ngako va txi kha vona: Ngu kutxani Mkoma Txizimu txathu a nga hi mahela tiya kani? U na va gela u txi khawe: Kunganu mi nga ni leka, mi phaxela simwani sizimu ditikoni kwanu; ngutoneto, mi na thumela vamatiko ditikoni kova i si nga kwanu.

Hoseya 2:10

Se konkuwa, ni na vhunungula wumbwiri wakwe masoni ka sigango sakwe, kambe kha ku na wu a no mtxhatxhisa manzani kwangu.

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Jeremiya 13:26

Ngu konaho, ni na guleta txiambalo txako kala khoheni kwako, ti taku ku txi woneka tingana tako.

Dhewuteronome 7:17

Ngako u txi womba mbiluni kwako u txi khawe: “Mifumo yiya njayingi ngutu kupinda ani, ni nga yi xulisa kutxani kani?”

Isaya 3:17

Ngu toneto, Mkoma a na peka misungo ya mahorana a Siyoni, Mkoma a na vhunungula wumbwuri wa ona.

Zefaniya 1:12

Se ku na maheka taku, ka yona yile mbimo, ni woningeta Jerusalema ngu malambu, ni tsayisa vavamna vale va khalahatshako txitimwi ka nzambwa yawe, va kukhona ngu mbiluni kwawe: Mkoma kha mahi ta tinene, kambe kha mahi to biha.

Hoseya 12:8

Se Efrayime a khene: Hambiketo, ani na ti fumisa, kambe na ti manela tithomba ta hombe; Ka yotshe mithumo yangu, kha va na mbi mana wubihi ni wawumwewo, i ku txionho.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,

Isaya 47:8

Konkuwa koko, engisa tiya, awe u tsakelako kutiphina, u tipfako u di zumbisekile, u wombako mbiluni kwako, u txi khawe: Ani ngani, hahanze kwangu, kuwalo mmwani; kha ni na mbi va noni, hambi kufelwa ngu vanana.

Isaya 20:4

ngu kumaha keto, mfumeli wa Asiriya, a na teka va va nga ñolelwa ditikoni ka Egipta ni Etiyopiya, majaha ni vo kumba, a txi va yisa wukhumbini, va na tsula i di simbwiri, va sa ambala txilo mikondoni, va sa ti pambiyeta txilo, njikombiso txa tingana ka Egipta.

Dhewuteronome 18:21

Se ngako u txi ti wotisa mbiluni kwako, u txi khawe: “Se hi na ti zivisa kutxani ti to mhaka yiya, hi nga mhaka ya Mkoma kani?”

Dhewuteronome 8:17

ngu toneto, u nga wombe mbiluni kwako u txi khawe: “Mtamo wangu ni mtamo wa manza angu, ngu wona wu nga ni manisa thomba yiya.”

Jeremiya 14:16

Vathuvo ku nga profetwa kwawe va na tshotshwa magondoni ka Jerusalema ngu mhaka ya nzala ni ditxhari, kha ku na mbi va ho wo va tshotsha: Vona ni vasikati vawe, ni vanana vawe va txiwamna ni va txisikati; nguko ani ni na tshakunuta wubihi wawe txitimwi kwawe.

Ezekhiyele 23:26

Kambe va na kuambula simaha, va txi kuhonyola si u ti bombisako ngu sona.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.