Jeremiya 13:21 - Bhiblia Yo Sawuleka

²¹ U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

Jeremiya 13:21 Referans Kwoze

Isaya 13:8

Se va na dhukiswa ve thava, va txi guma mtamo, ve xanisekisa ku nga wamsikati a di hafuhi ni kuveleka; va na wonana, ve xamala, ve dhunuka, ngu kuthava.

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Jeremiya 38:22

Wona, vavasikati votshe va va nga sala nyumbani ka mfumeli wa ka Judha, va na yiswa ka vanana va mfumeli wa Bhabhilona; vavasikativo va na kha vona: “Vangana vako va ku kanganyisile, va ku xute; mikondo yako yi txhibete madhakani, vona va tshumelete msana.”

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Isaya 10:3

Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Ezekhiyele 28:9

Kambe u na khawe masoni ka wule a no kudaya: Ani ni Txizimu kani? Kuve awe u m'thu, khu nga Txizimu, manzani ka wule a ku dayako.

Jeremiya 48:41

Ma tekwa madhoropa, ni kurandelwa mikhokhola: Yi na va mbilu ya tindena ta Mowabhi, ka dona ditshikwedo, ku nga mbilu ya wamsikati wu a diliswako ngu kupanda.

Jeremiya 30:6

Wotisani koko, ina wamwamna a nga sikota kuveleka kani? Ngu kutxani ni wonako vavamna mmweyo ni mmweyo a ti ñolako txiwunu nga wamsikati a lumwako kani? Nguko txani tikhohe totshe ti nga thuvika kani?

Jeremiya 22:23

Awe wu u nga aka Libhanoni, u ku ni txisaka txako madhavini ka mikedhari. Ngu xaniseka ka kutxani u no va nako ngako u txi na humelwa ngu makhombo, ngu pandisa ni tihuwa ku nga wamsikati a lumwako.

Jeremiya 6:24

Hi pfite nduma yawe, mawoko athu ma guma mtamo; hi tetwe ngu msanekera, ni kupanda nga ka wamsikati wu a lumwako.

Isaya 21:3

Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

2 Vafumeli 16:7

Se Akazi a to ruma mitumi ka Tigilati-Pileseri, a txi khene: Ani ni txithumi txako, kambe ni mwanana wako, ngono u ta hi hulukisa manzani ka mfumeli wa Siriya, ni manzani ka mfumeli wa ka Israyeli, va ni wukelako.

Matewu 24:8

Totshelele tiya ti nava i di kukhata ka sixaniso.”

Jeremiya 2:25

Thela kota ti to mkondo wako wu si mwalalelwi ngu kathula, ni mkolo wako ti to wu mana ditora! Aniko u khawe: “Wa ti karata walo! Nguko ni randa sizimu sa vamatiko ni nga txi na si londetela.”

Jeremiya 4:30

Konkuwa koko, u na maha txani, awe u nga hasamulwa kani? Hambi u txi ambala txiwunguwungu, u txi ti bombisa ngu wukhetikheti wa nzalama ni kungako u txo penda maso ako ngu Antimoniya, wo ti bombisela walo. Sigango sako sa kunyenya, si lava ku kudaya.