Jeremiya 13:17 - Bhiblia Yo Sawuleka

¹⁷ Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

Jeremiya 13:17 Referans Kwoze

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

Ezekhiyele 34:31

Anu koko, anu tinvuta tangu, tinvuta ta wudyiselo wangu; mi vathu, aniko ani ngani Txizimu txanu, kuwomba Mkoma Txizimu.

Sidilo 2:18

Guleta dipswi u txi dila ka nyamne wa sotshe! Awe diguma da mwanana wa dihorana wa Siyoni! Mirongo yako yi na khulunge wusiku ni mitshikari nga txinambwana. Maso ako ma nga thuke ma txi humula, u nga leke kudila.

Sidilo 1:16

Se kona kuwa, ni dila ngu totshe ti ti nga ni humelela; maso angu kha ma emi kuhuma mirongo; awule a nga ti fanete ku ni malatela ni ku ni tsanisa a maneka kule ngutu ni nani; vanana vangu va hangalasilwe, nguko mlala a ni xute.

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

1 Samuwele 15:35

Se Samuwele kha swa kambe a txi wonana ni Sawule kala ka ditshiku da kufa kwawe; nguko Samuwele a ti ti ni wumbilu ni Sawule. Se Mkoma a to tilaya ngu kule a nga veka Sawule kuva mfumeli txitimwi ka va ka Israyeli.

Ezekhiyele 36:38

Kufana ni mtxhambi wo sawulekiswa, nga mtxhambi wa Jerusalema amu ka mipipi yakwe, ngu tona eto ma no wonekisa tona madhoropa a siwula, ngu mimwaya; se va na tiziva taku, ani ni Mkoma.

Sidilo 1:2

Didhoropa da Jerusalema di simama di txi dila ni wusiku; mirongo ya dona yi pyololoka khoheni ka dona; kha di nga ni mmalateli ka sotshe sirandwa sa dona; votshe vangana va dona va di lekile ve maha valala va dona.

Jeremiya 23:1

Dikhombo ka vadyisi va va onhako, ni kuhangalasa tinvuta ta wudyiselo wangu, kuwomba Mkoma.

Jeremiya 22:5

Aniko ngako mi si engisi tiya timhaka, na xambanya ngu wutumbu wangu, kuwomba Mkoma, a ti taku ayiya nyumba yi na va dirumbi.

Jeremiya 17:16

Ani kha na lamba kuve m'dyisi wu kambe i ku didhota, kha na verela ditshiku da dikhombo; awe wa tiziva. Ati ti nga huma ngu txisofuni kwangu, ti wombilwe masoni kwako.

Isaya 63:11

Hambi keto, a to alakanya masiku a kale ngutu, a Mosi ni a vathu vakwe, va nga kha vona: Ahayi wule a nga va humisa lineneni, kumweko ni vadyisi va mtxhambi kani? Ahayi wule a nga thela Moya wakwe wo Sawuleka hagari kwawe,

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Jeremiya 15:17

Kha na zumba msengeletanoni ka vatseketseli, ni tsaka kona; ngu mhaka ya dianza dako ni zumbile nokha, nguko u ni mahile ni tala ngu txiviti.

Jeremiya 23:2

Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”

Sidilo 1:9

Nzambwa yakwe yi mu ka syambalo sakwe; kha za a di alakanyile ngu magwito akwe; ngu toneto, kuwa kwakwe kuvite ka hombe ngutu. A pwata ni mmalateli: “Wawo, Mkoma, kuxaniseka kwangu! Nguko mlala wa ti guleta!”

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Ezekhiyele 24:16

Awe mwanana wa m'thu, wona taku ni na thavisa kunavela ka maso ako ngu ku kupeka, aniko khu na mbi pandiseka, kambe khu na mbi dila, hambi kuwa mirongo yako.

Sidilo 3:48

Maso angu ma theketa mirongo ku txi nga mnambo, nguko ku na hoka kuloviswa ka vathu va ka kwathu.