Jeremiya 13:14 - Bhiblia Yo Sawuleka

¹⁴ Ni na va phwatisa ve gumulana, vatate ni vanana, kuwomba Mkoma. Kha ni na mbi va divalela, hambi ku va tsetsa. Kha ni na mbi va ni wumbilu ha ka ku ni si va lovisi.

Jeremiya 13:14 Referans Kwoze

Dhewuteronome 29:20

Mkoma kha na mbi m'divalela, nguko kuhenya kwakwe ni txiviti txakwe, si na tura txitimwi ka eneyo m'thu, a txi welwa ngu otshe makhombo, aawa ma nga bhalwa ka diya dibhuku, se Mkoma a na pfhita ditina dakwe hahatshi ka nzuma.

Masalmo 2:9

U na va bhandisa ngu ndonga ya simbi, u txi va fayetela kufana ni khadi ya mraka.”

Jeremiya 21:7

Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.

Jeremiya 6:21

Ngu konaho, Mkoma a khene: Ni na di vekela sikhunguvanyiso ditiko diya, vaveleki ni vanana va na khuveka kumweko, mwakelani ni mngana wakwe va na lova kumweko.

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

Marku 13:12

“Mwanawe m'thu a na ningela mwanawe kudawani, tate wa m'thu a na ningela mwanana wakwe; vanana va na wukela vaveleki vawe ngu mtamo ve va dayisisa.

Matewu 10:21

“Mwanawe a na ningela mmwani mwanawe kudawani; ni tate a na ningela mwanana wakwe; vanana va na wukela vaveleki vawe, va txi va daya.

Ezekhiyele 24:14

Ani Mkoma ni ti khani: Ti na maheka, ni na ti maha; kha ni na mbi tshumelela msana, kambe kha ni na mbi pimela, hambi kutilaya; madingano ni tinzila tako, ni madingano ni mithumo yako, va na kulamula, kuwomba Mkoma Txizimu.

Ezekhiyele 9:10

Kwangu koko, ngu dangu didhawa, diso dangu kha di na mbi tsetsa, kambe kha ni na mbi maha wumbilu; mithumo yawe yo biha yi na wa txitimwi ka misungo yawe.

Ezekhiyele 9:5

Se Mkoma a wombile ka vamwani, na ni txi tipfa nani: Mlondeteleni ngu msana didhoropani muwa, mi txi va xasela; wonisisani kha kwati, kambe mi nga va maheleni wumbilu.

Ezekhiyele 8:18

Ngu kumaha keto, nani ni na va henyela; diso dangu kha di na mbi va tsetsa, kambe kha ni na mbi va ni wumbilu; hambi va txo kwangula tinzeveni kwangu ngu dipswi da hombe, kha ni na mbi va engisa.

Ezekhiyele 7:9

Se diso dangu kha di na mbi kutsetsa, kambe kha ni na mbi va ni wumbilu; madingano ni tinzila tako, ngu kumaha keto, ni na kunemetisela, manyala ako ma nava txitimwi kwako; se mi na tiziva taku ani Mkoma na tsayisa.

Ezekhiyele 7:4

Diso dangu kha di na mbi kutsetsa, kambe kha ni na mbi va ni wumbilu ni nawe, aniko ni na kutsayisa madingano ni dihanyo dako do biha, manyala ako ma nava hagari kwako; se mi na tiziva ti to ani ngani Mkoma.

Jeremiya 48:12

Ngu konaho, mata masiku, kuwomba Mkoma, aya ni no rumela ngu ka ona vatheketeli, ava va no maha ti to vathu ve tsimbila ngu mazambo a hombe; va nata tshakunutela siya sawe ni ku bhandelela misava yawe.

Jeremiya 47:3

Ngu mhaka ya diguwa da mahantxhi akwe a mtamo, ni diguwa da sikotxikani sakwe mbimo yile madangarita a kona ma rindilikelako; vaveleki kha va na mbi xayisa vanana vawe, ngu kukarala ka mawoko awe;

Jeremiya 16:5

Nguko Mkoma a khene: U nga wulele nyumbani ka txidilo, u nga tsule navo kusalukani, hambi ku va xanisekela; nguko ni thavisile kuthutha kwangu ka diya ditiko, kuwomba Mkoma, ina, wunene ni wumbilu.

2 Makronika 20:23

Nguko vanana va Amoni ni va Mowabhi, va to wukela vazumbi va mimangoni ka Seyiri, kasi kuve va lovisa ni ku va daya; se mbimo yi va nga heta vaaki va Seyiri va to lovisana vapune.

1 Samuwele 14:16

Vawoneleli va Sawule koko, vale va nga ti Gibheya ka Bhenjamini, va to wona vathu va txi thekela ngu kututuma, na va txi gumulana.

Jobe 27:22

Se Txizimu txi na tisa txikarato txitimwi kwakwe, kha txi na mbi mtsetsa; a na tutuma manzani ka txona.

Jeremiya 15:5

“I mani a no kupfela wusiwana, awe Jerusalema kani? I mani a no kuxanisekela kani? I mani a nota ku wotisa ngu wutomi wako kani?

Sidilo 2:21

Mazambi ni vathu vahombe va mwalate, ha lithuluni ka magondo. Majaha ni votuma vangu, va datwe ngu matxhari. Ditshiku dile u nga ti henyile, u txi dayela u si divaleli.

Hoseya 2:4

ni si pfeli wumbilu vanana vakwe, nguko vanana va wugelegele.

Zakariya 11:6

Kha ditshuri kha ni na mbi ngadi ni pfela wusiwana vahanyi va ditiko diya, kuwomba Mkoma, aniko wona taku ni na ningela vathu, mmwani ni mmwani manzani ka mkwawe, ni ka dianza da mfumeli wakwe; vona va na onhetela mafu, kambe kha ni na mbi va txhatxhisa manzani kwawe.

Jeremiya 15:6

U ni lekile, kuwomba Mkoma, u tshumelete msana. Ngu konaho, ni nawulutile dianza dangu, ni kulovisa. Ni karate ngu ku kudivalela.

Jeremiya 25:16

Va na sela hawa koza ve dhedherekela, ni kubharuka, ngu mhaka ya ditxhari di ni no di rumela hagari kwawe.

Ezekhiyele 7:3

Konkuwa mata magwito txitimwi kwako, nguko ni na rumela txiviti txangu kwako, ni txi ta kulamula madingano ni tinzila tako, kambe ni na kukomba manyala ako otshe.