Jeremiya 13:10 - Bhiblia Yo Sawuleka

¹⁰ Ditiko diya do biha, adi di si tumeliko kupfa mapswi angu, adi di tsimbilako ngu kubanga ka mbilu ya dona, di txi londetela simwani sizimu, di txi si thumela ni ku si khozela, di na fana ni libhandi li li si vhuniko txilo.

Jeremiya 13:10 Referans Kwoze

Jeremiya 16:12

Kasiko koko anu mi mahile to biha ni kupinda vatate vanu; nguko mmweyo ni mmweyo wanu a ta so mbetete e bangisa mbilu yakwe yo biha, ti taku mi si ni engisi.

Jeremiya 9:14

Kambe, va tsimbite ngu kuranda ka timbilu tawe, ni kulondeta va ka Bhahali, ku nga ti va nga gondiswa ngu vatate vawe.

Mitengo 14:11

Mkoma a ti khene ka Mosi: “Vathu vava, va na ni nyenya kala yihi mbimo kani? Kala yihi mbimo va si ni thembi kani? Hambi ku va nga wona sixamaliso si ni nga va mahela kambe ni kambe kani?

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Jeremiya 13:7

Sekoko ni to tsula Ewufrate, ni txi ya kela, ni teka libhandi amu ni nga ti li sisile kona. Aniko libhandi li ti sinile, li si nge vhuna txilo.

Jeremiya 3:17

Ka yoneyo mbimo, va na kha vona Jerusalema njikhalo txa “Kufuma ka Mkoma”; matiko otshe ma na sengeletana Jerusalema ditinani ka Mkoma; kha va na mbiswa ve tsimbila madingano ni kuranda ka timbilu tawe to biha.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 11:18

Mkoma a ni zivisile, ni ti zivile, a ni kombisile mithumo yawe.

Jeremiya 8:5

Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Jeremiya 5:23

Aniko ava vathu va ni tutumile, kambe va ni mbilu ya wukaneti; va tiwukile, ve tsula.

Isaya 3:24

Se ku na maheka taku, wukhaloni ko bhumula, ku nava ni kununga; se wukhaloni ka libhande, ku nava ni ngoti; wukhaloni ka misisi, ku na maneka tipala; wukhaloni ka syambalo sa mibuso, ku na ambalwa masaka; wukhaloni ka kutshura ngutu, ku nava ni sibawa so hiswa ngu mndilo.

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

Jeremiya 7:6

ngako mi si xanisi muwuyi, txisiwana ni noni, ngako mi si theketi mnoha wa va va singako ni mnandu ka wuwa wukhalo, hambi ni kulondetela simwani sizimu, miva ni makhombo ngu kota yawe;

Jeremiya 9:6

U akile hagari ka wukanganyisi, ngu mhaka ya wukanganyisi va lamba ku ni ziva, kuwomba Mkoma.

Jeremiya 11:10

Va tshumelete sionhoni ka vakokwani vawe, va va nga lamba kuengisa timhaka tangu. Va londetete simwani sizimu, ve si khozela. Nyumba ya ka Israyeli ni nyumba ya ka Judha ti funyile txitumelelano txangu atxi ni nga txi maha ni vatate vawe.

Jeremiya 20:4

Nguko Mkoma a khene: “Ni na kumaha txidhukiso txako upune, ni txa maxaka ako otshe; vona va na dawa ngu matxhari a valala vawe, awe wutumbu u na ti wona. Ni na ningela dotshe ditiko da Judha manzani ka mfumeli wa Bhabhilona, a na va yisa kuñolwani Bhabhilona, e va daya ngu ditxhari.

Jeremiya 22:21

Ni wombawombile ni nawe ti txi ngadi ti kuhumela kwati, Aniko u txi khawe: “Kha ni na mbi engisa.” Ngu ona mahanyelo ako kukhukhela wananani, aku, khu na mbi pfa dipswi dangu.

Jeremiya 23:17

Va txhumayela va di ka so vavalu ka va va ni kanyisako, va txi kha vona: Mkoma a khene: Mi na zumbiseka kha kwati. Ni ka votshe va tsimbilako ngu kubanga ka timbilu tawe, va txi kha vona: Kha di na mbi ta dikhombo txitimwi kwathu.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Jeremiya 44:5

Aniko vona kha va engisa, kha va namisa tinzeve tawe, ku va ve huma ka wubihi wawe, kasi va si hiseli miphaxo sizimu sa walo.

Jeremiya 44:16

Kasi ngu dipswi di u nga hi zivisa ngu ditina da Mkoma, kha hi na mbi kuxonipha awe;

Jeremiya 7:13

Kona kuwa koko, mi di mahile totshe tiya, kuwomba Mkoma, ni wombile kwanu i di ngadi mixo, ni mi gela, aniko kha ma engisa; ni to mi dhana, kambe kha ma xamula.

Jeremiya 9:13

Se Mkoma a to khene: Nguko va lekile mlayo wangu, awu ni nga wu huwelela masoni kwawe, kha va engisa dipswi dangu, hambi ku di londeta.