Jeremiya 12:5 - Bhiblia Yo Sawuleka

⁵ Ngako u txi palisana ni vathu ngu kututuma, ve kusiya, ina u nga palisanisa kutxani ni mahantxhi kani? U si nga ni kuzumbiseka ditikoni ko thutha, u nga mahisa kutxani txigotoni ka Jordhani kani?

Jeremiya 12:5 Referans Kwoze

1 Pedro 4:12

Vo randeka ngutu, mi nga dhukisweni ngu mndilo wa kudukwa, wu wu nga dhivelwa hagari kwanu, nga ku to humelela txo mbi txi ziva.

Mavingu 24:10

U txi ti wona u txi relela ngu ditshiku da xomulo, tikomba ku khwa tsana.

Jeremiya 50:44

Wonani ti taku mmweyo wa ku nga ngonyamo a na humelela likasani ka Jordhani, e wukela dizumbo da mtamo, aniko ngu mbimo yokari ni na mtutumisa hale; se awule ni nga msawula a na mwukela: Nguko i mani wo fana ni nani kani? Se i mani wo a nga ni randela kani? I mani m'dyisi wo a nga tsana masoni kwangu kani?

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Masalmo 42:7

Hahatshi ka mikova yo hokoma ngutu kupfala kudhinda ka singwalangwanda sako; otshe mavimbi ako ni kukhulunga ka mati ako si pindile ngu txitimwi kwangu.

Mavingu 3:11

Mwanangu, u nga eyise silayelo sa Mkoma, kambe u ngave ni txihenyisani va txi kukawuka.

Joxuwa 3:15

Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula),

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

Jeremiya 26:8

Ngako Jeremiya a di gwitile kutxhumayela, totshe ti a nga rumwa ngu Mkoma kuzivisa votshe vathu, vaphaxeli ni vaprofeti ni votshe vathu, va to kha vona: Ngu ditshuri, u na kufa!

1 Makronika 12:15

Avava ngu va va nga txhatuka Jordhani ngu mtxima wo khata, mbimo yile mnambo wu nga ti khulunga ka sotshe sinambwana sa wona, ve tutumisa votshe vale va nga ti mikovani, veya wutxani ni mswa-ditambo.

Jeremiya 11:21

Ngu konaho, Mkoma a womba tiya ngu vathu va Anatote, ava va lavako ku kudaya, va txi kha vona: U nga profete ditinani ka Mkoma, kasi u si feli manzani kwathu!