Jeremiya 12:15 - Bhiblia Yo Sawuleka

¹⁵ Aniko msana ka kuva ni ti va dute, ni na tshumela ni va pfela wusiwana, ni na va tshumeta, mmwani ni mmwani thombani kwakwe, mmwani ni mmwani e tshumelela ditikoni kwakwe.

Jeremiya 12:15 Referans Kwoze

Jeremiya 49:6

Aniko msana ka tiya, ni na tshumeta tikhumbi ta vanana va Amoni, kuwomba Mkoma.

Jeremiya 48:47

Aniko ni na wuyisa tikhumbi ta Mowabhi ka masiku o gwitisa, kuwomba Mkoma. Kala ahawa ngu kona kulamulwa ka Mowabhi.

Jeremiya 49:39

Ngu toneto, ku na maheka ka dimwedo da masiku o gwitisa, ti to ni wuyisa tikhumbi ta Elame, kuwomba Mkoma.

Amosi 9:14

Ni na thavisa wukhumbi wa vathu vangu va ka Israyeli, kambe va na aketa madhoropa o xaselwa, se va na zumba ka ona, ve phaya mivhinya, ve sela vhinya ya kona, ve phaya mipeto ya mindonga, ni kudya mihando ya kona.

Dhewuteronome 30:3

Sekoko Mkoma, Txizimu txako, a na kuhumisa ka wukhumbi wako, a txi ku mahela wumbilu; a na ku engisa, a txi ku tsanisa, u huma ngu ka otshe matiko ale a nga ti ku hangalisete ka ona.

Dhewuteronome 3:20

Kala Mkoma a txi ninga kuhumula ka vananu, kufana ni nanu, kambe ni vona va na di fuma ditiko diya, Mkoma, Txizimu txanu, a nga va ninga, kona mtxhatuko ka Jordhani; sekoko mmwani ni mmwani, a na tshumelela ka thomba yakwe, ayile ani ni nga mninga.

Mitengo 32:18

Kha hi na mbi wuya mitini kwathu, an'ze kuza vanana va ka Israyeli ve teka ditiko, mmwani ni mmwani ka thomba yakwe.

Mithumo 15:16

‘Msana ka tiya, ni na wuya ni ta aketa ditenda da Dhavhidha, di nga wa, ditshatsha di di nga sala, ni nata di aketa, ni nata wusa ditenda di txi ema.

Jeremiya 3:12

Tsula u ya nuwela mahungu awa wuphemba, u txi khawe: Wuya Israyeli, awe u nga phawuka, kuwomba Mkoma. Na mbiswa ni mi henyela, nguko ni ni wumbilu, kuwomba Mkoma, na mbi kho ni henya kala kupinduka.

Jeremiya 3:17

Ka yoneyo mbimo, va na kha vona Jerusalema njikhalo txa “Kufuma ka Mkoma”; matiko otshe ma na sengeletana Jerusalema ditinani ka Mkoma; kha va na mbiswa ve tsimbila madingano ni kuranda ka timbilu tawe to biha.

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Jeremiya 24:6

Ni na va wona ngu wunene, ni na tshumela ni va wuyisa ka diya ditiko. Ni na va akisa, ni si va wisi hahatshi; ni na va phaya ni si va duli.

Jeremiya 29:14

Ni na manwa ngu nganu, kuwomba Mkoma, ni na tshumeta va va nga ñolwa, ni na mi sengeleta ngu ka otshe matiko, ni ka otshe madhawa, awa ni nga mi hangalasa ka ona, kuwomba Mkoma; ni na tshumela ni txi mi wuyisa ka wukhalo wu ni nga mi tutumisa ka wona, mi txi ya wukhumbini.

Dhaniyeli 11:4

Aniko ngako ene a di ngadi emile, mfumo wakwe wu na hoxotwa wu abaniswa ngu mune wa mimoya ya nzumani; kambe kha wu na mbi ningelwa ka liveleko lakwe, hambi mtamo wa kona kha wu na mbi fana ni wakwe, nguko mfumo wakwe wu na honyolwa wu ningela ka vamwani.

Jeremiya 16:15

Aniko va na kha vona: Mkoma a hanyako, awu a nga humisa vanana va ka Israyeli ngu ditikoni ka Wuphemba, ni ka otshe matiko awa a nga ti va tutumisete ka ona. Ni na va wuyisa kambe ditikoni kwawe adi ni nga ninga vatate vawe!