Jeremiya 12:14 - Bhiblia Yo Sawuleka

¹⁴ Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Jeremiya 12:14 Referans Kwoze

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Jeremiya 3:18

Ka onayo masiku nyumba ya ka Judha yi na longoloka kumweko ni nyumba ya ka Israyeli; va nata ngu wumbidi wawe ngu ditikoni ka Wuphemba, va txi ta ka ditiko di ni nga ninga vatate vanu kuva thomba yawe.

Jeremiya 49:7

Txisolo xungetano ni Edhomi. Mkoma wa Mabutho a Tiyimbi a womba tiya: Ku ngava ku si ngadi ni wutxhari Temani kani? Ina si lovile silayelo sa titxhari kani? Wu bhirete wutxhari wawe kani?

Jeremiya 2:3

Sekoko Israyeli i ti ti msawuleki wa Mkoma Siyalo so khata sa kufunyela kwakwe; votshe vale va mvandamulako va ni mnandu va na welwa ngu dikhombo, kuwomba Mkoma.”

Masalmo 106:47

Hi hanyise, Mkoma, Txizimu txathu! Hi humise hagari ka vamatiko, u txi hi sengeleta, kasi ku hi txi kubonga, Txizimu txo Sawuleka hi txi kutsakela ngu ku kudhumisa.

Dhewuteronome 30:3

Sekoko Mkoma, Txizimu txako, a na kuhumisa ka wukhumbi wako, a txi ku mahela wumbilu; a na ku engisa, a txi ku tsanisa, u huma ngu ka otshe matiko ale a nga ti ku hangalisete ka ona.

Zakariya 1:15

Se ngu kuhenya ka hombe, na henyela matiko ale ma ku kuhumulani; nguko, mbimo yi ni nga ti ti swirwekile ka kudotho, ona ma to engetela wubihi.

Hoseya 1:11

Se vanana va ka Judha ni vanana va ka Israyeli votshe va na sengeletana, ve ti emisela mthangeli mmweyo dwe, ve huma ditikoni; nguko di na va da hombe ditshiku da Jezireyeli.

Ezekhiyele 37:21

Va gele koko ku khawe: Mkoma Txizimu a khene: Wonani taku ni na teka vanana va ka Israyeli hagari ka matiko ale va nga ya ka ona, ni txi va sengeleta ngu ka otshe madhawa, ni txi va heleketa ditikoni kwawe.

Ezekhiyele 36:24

Aniko ni na mi teka hagari ka matiko, ni txi mi sengeleta ngu ka otshe matiko, ni mi wuyisa ditikoni kwanu.

Ezekhiyele 28:25

Ngu kumaha keto, Mkoma Txizimu a khene: Mbimo yile ni no sengeleta va nyumba ya ka Israyeli hagari ka matiko, ale va nga hangalaka ka ona, se ni txi ti sawulekisa hagari kwawe, masoni ka matiko, sekoko va na zumba ka ditiko dawe, dile ni nga ninga txithumi txangu Jakobe.

Jeremiya 48:1

Xungetano ngu Mowabhi, a womba tiya Mkoma wa Mabutho a Tiyimbi, Txizimu txa Israyeli: Dikhombo da Nebho, nguko a hasamutwe! Kiriyatayimi a wisilwe tingana, kambe a honyotwe; Misigabhe a wisilwe tingana, kambe wa xamala.

Jeremiya 32:37

Wonani, ni na mi tshanganisela ngu matikoni kotshe, ayo ni nga va tutumisela ka ona kuhenyani kwangu ni txiviti txangu ni dikhulo da hombe; ni na tshumela ni va wuyisa ka wukhalo wuwa, ni va maha ve zumbiseka.

Masalmo 105:15

“Mi nga gweseni ava ni nga va sawula, mi nga xupheni vaprofeti vangu.”

Dhewuteronome 28:63

Ngu toneto, kufana ni kuwa Mkoma a nga txi tsaka ngu ku mi mahela ta tinene, ni ku mi andisa, kufana ni toneto, a na tsaka kambe ngu kuva mi txi loviswa, mi txi fuva; nanu mi na dulwa mi txi humiswa ka ditiko di mi yelako kuya di teka.

Jeremiya 48:47

Aniko ni na wuyisa tikhumbi ta Mowabhi ka masiku o gwitisa, kuwomba Mkoma. Kala ahawa ngu kona kulamulwa ka Mowabhi.

Jeremiya 49:1

Txisolo ka vanana va Amoni, Mkoma a womba tiya: Ina Israyeli kha nga ni vanana, kha nga ni sidya-thomba kani? Ngu kutxani koko Malkami a lumbwako ngu Gadhi ni vathu vakwe e zumba madhoropani ka kona kani?

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Ezekhiyele 28:26

Se va na zumba ka dona ngu kutsana, va na aka tinyumba ni kuphaya mivhinya: Ina, va na zumba ngu kutsana, mbimo yile ni no lamula votshe vale va va pelako madhawani kwawe; va na tiziva taku ani ngani Mkoma, Txizimu txawe.

Ezekhiyele 36:5

Ngu konaho, Mkoma Txizimu a khene: Ngu ditshuri kuhisekani ka kuhenya kwangu, ni wombawombile ni wukela matiko ale ma nga sala, ni ditiko da Edhomi. Vona va honyote mafu angu, ngu kutsaka ka totshe timbilu, ni kutxhipisa muhefemulo, kasi ku wu rinza kuñolwani.