Jeremiya 12:13 - Bhiblia Yo Sawuleka

¹³ Va phayile fulaho, va funyete mipa; va ti karatile walo. Mi na va ni tingana ngu mhaka ya kufunyela kwawe. Ni kuhisa ka txiviti txa Mkoma.

Jeremiya 12:13 Referans Kwoze

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Mika 6:15

Awe u na phaya, aniko khu na mbi funyela; u na kamela miolivha, anko khu na mbi tola mafura a kona; se ni mauvha, aniko khu na mbi yi sela vhinya ya kona.

Dhewuteronome 28:38

U na dima u txi phaya mbewu yayingi thembweni kwako, aniko u na elula sa sidotho, nguko humbi yi na si heta.

Isaya 55:2

Mi xakelela txani male ka sile i singako sakudya kani? Ni mihando ya mthumo wanu, ka sile si si khurisiko kani? Ni engiseni kha kwati, mi nadya so tshamba, ni mihefemulo yanu yi na tsaka ngu so nona.

Levhi 26:16

sekoko nani ni na mi maha tiya: Ni na mi tisela kuthava txitimwi kwanu, dikhodho ni txindeyandeya, asile si no mi heta maso ni kuxupha mimoya yanu; mi na phaya walo timbewu tanu, aniko ti na dyiwa ngu valala vanu.

Habhakuki 2:13

Wonani taku, kha ti ti ngu ka Mkoma wa Mabutho a Tiyimbi taku, matiko me thumela kuhiswa ngu mndilo, ni ti to vathu ve karala ngu ta kwa mbi nyawula.

Jeremiya 4:26

Ni to xolisisa, ni wona tito, ditiko do nona di hindukile di maha txiwula ni otshe madhoropa a dona ma khundumusetwe masoni ka Mkoma ni masoni ka kuvhiluka ka kuhenya kwakwe.

Varoma 6:21

Nji txani mi nga wuyelwa ngu txona ka sile konkuwa si mi thelako tingana kani? Nguko magwito a sona ngu lifo.

Levhi 26:20

Mi na xakela walo mitamo yanu, nguko mafu anu kha ma na mbi nona me pfunisa silo sanu, ni mindonga ya mu ditikoni kwanu, kha yi na mbi veleka mihando ya yona.

Jeremiya 9:5

Vona votshe va kanganyisana, kha va wombawombi ditshuri; va gondisile tidimi tawe kuhemba makuhu, ve ti karata ngu kumaha kubiha.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Masalmo 78:62

Txizimu txi henyile ngutu ngu mhaka ya vathu va txona, txi va lekile ve dawa ngu ditxhari da mlala.

Hoseya 8:7

Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.

Hagayi 1:9

Mi rinzete sasingi, aniko mi mani sa sidotho, ni soneso sa sidotho, mbimo yi mi nga si wuyisa m'tini, ani ni si futetile. Ngu kutxani kani? Kuwombile Mkoma wa Mabutho a Tiyimbi. Ngu mhaka ya nyumba yangu i ku ditshatsha, se mmweyo ni mmweyo wanu a tutumela nyumbani kakwe.