Jeremiya 12:12 - Bhiblia Yo Sawuleka

¹² Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Jeremiya 12:12 Referans Kwoze

Amosi 9:4

Se ngako va txiya kukhotelwani masoni ka valala vawe, ani na rumisa taku ve dawa ngu ditxhari; ani na veka diso dangu txitimwi kwawe, ti taku ve maneka ha kubihani, na i si nga wunene.

Jeremiya 47:6

Awe ditxhari da Mkoma! U na humula yihi mbimo kani? Tshumela u txi nga humula msavani kwako, u txi malala.

Ezekhiyele 14:17

Ni ku ngako ni txi tisa ditxhari txitimwi ka ditiko, ni txi khani: Awe ditxhari, pinda ngu ditikoni mule: Se ani ni txi thavisa ka dona vathu ni sihari;

Isaya 34:6

Ditxhari da Mkoma di tate ngu mnoha, di tate ngu mafura, ni mnoha wa sinvuntana ni wa vamabhongwe, ngu mafura a titsho ta tihamba, nguko Mkoma a ni mphaxo kona Bhozira, ni kudayela ka hombe ditikoni ka Edhomi.

Mtuletelo 6:4

Se ku to humelela dimwani dihantxhi, do bhilivila, se mgadhi wa dona a ti ningilwe mtamo wo thavisa kudikha ha mafuni, kasiku vathu ve dayana vapune. A ningilwe kambe ditxhari da hombe.

Zefaniya 2:12

Se nanu va Etiyopiya, mi na dayelwa ngu ditxhari dangu.

Ezekhiyele 5:2

U na hisa lipimo limwelo la wuraru la misisi ngu mndilo, hagari ka didhoropa, ngako ma di gumile masiku a kurandela; sekoko u na teka limwani lipimo, u txi li wilela ngu ditxhari u txi horoloka didhoropa; se lipimo la wuraru lo gwitisa, u na li xwaya; nguko ni na li tutumisa ngu ditxhari.

Jeremiya 48:2

Wudhundo wa Mowabhi hi nga ngadi wona kambe; aniya Hesbhoni va mmahete txikungo, va txi kha vona: “Ngonani hi ta va fuvisa kasi va si nga ngadi vathu kambe; na nawe Madhimeni, u na hasamulwa; u na londiselwa ngu ditxhari.”

Jeremiya 34:17

Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

Jeremiya 15:2

Ngako va txi ku wotisa, va txi kha vona: Eko hi naya hayi kani? U na va xamula, u txi khawe: Mkoma a khene: Ava va nga emiselwa kufa, va na ya kufani; ava va nga emiselwa ditxhari, va na ya ditxharini; ava va nga emiselwa nzala, va na ya nzalani; ni va va nga emiselwa wukarawa, va na ya wukarawani.

Jeremiya 3:2

Guleta maso ako mimangoni; ngu hayi hawa u nga mbi maha wugango kani? U verela vona tinzilani kufana ni Vaharabhi amu txiwulani. U nyenyezisile ditiko ngu wugango wako ni wubihi wako.

Isaya 57:21

Vabihi kha va nga ni kudikha, kuwomba Txizimu txangu.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Dhewuteronome 32:42

Ni na levisa tingove tangu ngu mnoha, ni ditxhari dangu di na khura ngu nyama; ngu mnoha wa vale va nga dawa, ni wa vo ñolwa, kukhukhela ha msungo, ku nava ni kuphota, ka valala.

Jeremiya 3:21

Mimwayani ko pfala dipswi da sidilo ni kudikwila ka vanana va ka Israyeli; nguko vona va bihisile tinzila tawe, va divate Mkoma, Txizimu txawe.

Jeremiya 4:27

Nguko Mkoma a khene: “Ditiko dotshe di na hasamulwa, aniko na mbi di hetisela magwito.

Jeremiya 16:5

Nguko Mkoma a khene: U nga wulele nyumbani ka txidilo, u nga tsule navo kusalukani, hambi ku va xanisekela; nguko ni thavisile kuthutha kwangu ka diya ditiko, kuwomba Mkoma, ina, wunene ni wumbilu.

Jeremiya 25:11

Dotshe diya ditiko di na va marumbi ni txidiwukiso; ni matiko awa, ma na thumela mfumeli wa Bhabhilona, mndani ka mtxhanu wa magumi ni magumi mambidi a malembe.

Jeremiya 30:5

Mkoma a khene: Hi pfite dipswi da kudhudhumela; kuho kuthava, kuthutha kuwalo.

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Sidilo 3:17

A rethete kule kudikha ka moya wangu, ni divala ni litsako.

Ezekhiyele 21:4

Ngu kumaha keto, ni no fuvisa hagari kwako vo lulama ni vabihi, ditxhari dangu di na huma ngu msavani, di txi wukela yotshe nyama, kukhukhela Wulambwe kala Wuphemba.

Ezekhiyele 21:28

Se awe mwanana wa m'thu, profeta u txi khawe: Mkoma Txizimu a khene madingano ni kutxhipiswa ka vanana va ka Amoni: Womba ku khawe: Ditxhariu, ditxhari di hindisilwe ni kuswililikila kudaya ni kufuvisa, ni kuphatimaphatima;

Jeremiya 8:15

Hi ti verete kuthutha, aniko kha ka maheka wunene, hi verete ngu mbimo yo thumwa, kuve kuthava kuho!

Ezekhiyele 21:8

Se di tile kwangu dipswi da Mkoma di txi ta kha dona:

Ezekhiyele 21:9

Awe mwanana wa m'thu, profeta u txi khawe: Mkoma a khene: Ditxhari, ditxhari di lotilwe, kambe di swililikile;