Jeremiya 12:11 - Bhiblia Yo Sawuleka

¹¹ Va di onhile, da dila kwangu nguko di mahisilwe dirumbi; ditiko dotshe di mahile dirumbi! Nguko kha ku na m'thu a di khatalelako.

Jeremiya 12:11 Referans Kwoze

Jeremiya 23:10

Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.

Isaya 42:25

Ngu mhaka yeto, a tshakunutile kuhenya kwakwe txitimwi kwawe, ni mtamo wa yimbi. Se a va vekete m'dhikila madhawani, kambe kha va tipfisisa txilo keto; a va hisile aniko kha va veka mbilu yawe keto.

Jeremiya 14:2

Judha wa dila, miti yakwe yi gumile mtamo, va khalahatsha na va di ambate mizila; Huwa ya pfala ngu Jerusalema.

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Zakariya 7:5

Gela votshe vathu va ditiko diya, ni votshe vaphaxeli, u txi khawe: Mbimo yile mi nga ti tona, ni kudila, ka mtxima wa wutxhanu ni wa wutxhanu ni yimbidi, mndani ka malembe awa a mtxhanu wa magumi ni magumi mambidi, ina anu mi ti tonete ani, ngu ditshuri mi ti tonete ani kani?

Jeremiya 19:8

Ni na maha didhoropa diya diva txidiwukiso ni txiruko; ni wihi a no pinda ngu kona, a na diwuka aha koza e veta mloti ngu kuxamala, ngu mhaka ya otshe makhombo eyo.

Jeremiya 10:25

Tshakunuta txiviti txako, txitimwi ka vamatiko, ava va si ku ziviko, ni txitimwi ka tixaka ti ti si dhaniko ditina dako; nguko va kakatxute Jakobe; va mkakatxute, va txi mmita, ni m'ti wakwe va wu mahile dirumbi.

Jeremiya 10:22

Wonani taku data dipswi da nduma, dizunga da hombe di tako ngu Wuphemba, ku ta phemberusa madhoropa a ka Judha ma txi maha marumbi, i ku wukhalo wa maxolwa.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 6:8

Hunduluka, awe Jerusalema, kasi ni si ku tshuraleli, ni txi kumaha dirumbi, ditiko di kuwalo muaki.

Isaya 57:1

Wa lova mlulami, se kha ku nga ni wu a alakanyo eto mbiluni kwakwe; Vathu vo thembeka va thaviswa, na ku si nga ni wo ziva ti to mlulami, a tekwa a sanzi kuonha.

Ekleziyaste 7:2

I txhuko kuya nyumbani ka madila, kupinda kuya nyumbani ka m'buso wa hombe, nguko nguho ku wonekako magwito a votshe vathu; se ni vale va hanyako va fanela kutipima timbiluni kwawe.

Varoma 8:22

Nguko ha tiziva ngu kutsanisa tito, kala ditshiku da nyamsi, sotshe sivangwa sa keta ni kukuma, nga kule ka wamsikati wu a lumwako.

Levhi 26:32

Ni na haxulela ditiko danu, kasiku valala vanu, avale va nota zumba ka dona, va txi ta dhuka ve xamala, masoni ka dona. Ni na mi hangalasa hagari ka mifumo.

Jeremiya 4:20

Kuhuwelela ngu kuloviswa txitimwi ka kulovisa, nguko ditiko dotshe di hasamutwe. Matenda angu ma khundumutwe ngu txidhukisa, ni midhuti yangu ngu mbimwanyana.

Jeremiya 4:27

Nguko Mkoma a khene: “Ditiko dotshe di na hasamulwa, aniko na mbi di hetisela magwito.

Jeremiya 4:28

Ngu mhaka yeto, mafu manava ni huwa; ni tinzuma ta txitimwi ti na phuma; nguko ani ni wombile, ni hingana ni di xuvileto. Na mbi hunduluka hambi kutshumelela msana.”

Jeremiya 25:11

Dotshe diya ditiko di na va marumbi ni txidiwukiso; ni matiko awa, ma na thumela mfumeli wa Bhabhilona, mndani ka mtxhanu wa magumi ni magumi mambidi a malembe.

Joyeli 1:10

Thembwe yi fuvisilwe, se mafu ma ha kupandisekani; nguko fulaho yi fuvisilwe, vhinya ya yiphya yi omile, ni mafura ma pwateka.

Jeremiya 9:9

Ina ani na mbi va tsayisa ngu mhaka ya sona siya kani? Kuwomba Mkoma. Ni na ti pharelela ka ditiko do nga diya kani?

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.