Jeremiya 12:10 - Bhiblia Yo Sawuleka

¹⁰ Vadyisi votala vo onhetela txivhina txangu, va kandile thembweni kwangu; thembwe yangu yo tshura va yi mahile txiwula.

Jeremiya 12:10 Referans Kwoze

Jeremiya 23:1

Dikhombo ka vadyisi va va onhako, ni kuhangalasa tinvuta ta wudyiselo wangu, kuwomba Mkoma.

Isaya 63:18

Ngu mbimonyana ya yidotho dwe, u tekilwe ngu vathu vako vo sawuleka, valala vathu va kandetete wukhalo wako wo sawuleka.

Jeremiya 6:3

Vadyisi va na ya kwakwe ni sibala sawe, ve gwimba matenda awe ve mrandela; mmweyo ni mmweyo a na dyisa ka wukhalo wakwe

Jeremiya 3:19

Se ani ni txi khani: Ni na kuvekisa kutxani hagari ka vanana, ni na kuninga ditiko da kunaveleka, i kuthomba ya mabutho a matiko kani? Ni txi khani: Mi na ni dhana mi txi khanu: Tata. Kha mi na mbiswa mi phawuka mi txi ni siya.

Mtuletelo 11:2

Se mtendela wa hahanze ka Dithepele, wu leke u nga wu pime, nguko wona wu ningetwe ka vamatiko, ava va no kandetela ngu mikondo didhoropa do sawuleka txipimo txa mune wa magumi a mitxima ni yimbidi.

Luka 21:14

Ti bhaleni timbiluni kwanu ti to mi nga karatekeni ngu tile mi fanelako ku ti vhikelisa tona,

Jeremiya 39:3

ku to wulela votshe vathangeli va mfumeli wa Bhabhilona, va to ya ema ka txike txa hagari, i ku va va: Nergali-Sarezeri, ni Samigari-Nebho, ni Sarsekimu, ni Rabhi-Sarisi, ni Nergali-Sarezeri, ni votshe vathangeli va mfumeli wa Bhabhilona.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Isaya 43:28

Ngu mhaka yeto ni na nyenyezisa vahombe va wukhalo wo sawuleka, kambe ni maha ti to Jakobe e loviswa, ni Israyeli kuva e rukwa.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Ezekhiyele 34:2

Awe mwanana wa m'thu, profeta u wukela vadyisi va Israyeli; profeta u gela vadyisi va ka Israyeli ku khawe: Mkoma Txizimu a khene: Dikhombo ka vadyisi va ka Israyeli va ti dyisako vona vapune! Ina vadyisi kha va na mbi dyisa tinvuta kani?

Dhaniyeli 8:13

Msana keto, ni to pfa msawuleki wokari a txi womba-womba; se mmwani msawuleki a to khene ka wule a nga ti womba-womba: Txi na simama kala mbimo muni txiwoniso txa mphaxo wa ditshiku ni ditshiku, ni txa sihambunyeto si si onhako, kasiku kuningelwa wukhalo wo sawuleka, ni dibutho, si txi kandetelwa, kani?

Zakariya 7:14

Se ni na va hangalasa ngu txingulu, hagari ka otshe matiko ale va nga mbi ma ziva, se ditiko di na maha dirumbi msana kwawe, aha kaku, ku si pindi m'thu ni wammweyo ka dona, hambi kutshumela, nguko va lekile ditiko da dinene, di maha dirumbi.

Isaya 3:14

Mkoma a thethisa madhota a vathu vakwe kumweko ni vathangeli vawe; nganu mi nga onha thembwe yiya ya m'vhinya; asi mi nga honyola ka sisiwana si maneka tinyumbani kwanu.

Jeremiya 25:37

Hambi makhalo o dyela ka ona a kuthutha, ma loviswa, ngu mhaka ya kutura ka kuhenya ka Mkoma.

Jeremiya 25:38

Ene a humile m'dhutini kwakwe nga txingonyamwana, nguko ditiko dawe di mahile dirumbi, ngu mhaka ya kuthisa ka ditxhari da Mkoma, ni kutura ka kuhenya kwakwe.

Ezekhiyele 34:5

Ngu kumaha keto, ti hangalakile ngu ku mbi va ni m'dyisi, se ti mahile to dyiwa ngu sotshe sihari sa tshofu sa txitinga, ngu ku ti nga hangalaka.