Jeremiya 12:1 - Bhiblia Yo Sawuleka

¹ Wa kululama ngutu ngawe, Mkoma, hambi ni txo kanetisana ni nawe; hambi keto, ni na bhula ni nawe ngu malamulelo ako. Ngu kutxani va kubiha ve humelela kani? Va kateka ngu kutxani votshe va va nga mbi thembeka kani?

Jeremiya 12:1 Referans Kwoze

Malakiya 3:15

Sekoko athu hi wona kukateka ka va vo tikulisa; ni vale va mahako to biha va humelela, ina, vona va duka Mkoma, kambe va huluka.

Masalmo 92:7

Vathu vo biha hambi va txi anda kufana ni mwasi vabihi hambi va txi engeteleka, Mkoma a na va fuvisa kala kupinduka.

Masalmo 37:1

U nga henye ngu mhaka ya vale va mahako kubiha, kambe u nga bavele avale va mahako ta walo,

Dhaniyeli 9:7

Kulamula kulumba awe Mkoma, aniko kwathu ndingana ti wonekako nyamsi, tikhoheni kwathu; ka vavamna va ka Judha, ni vaaki va Jerusalema, ni dotshe ditiko da ka Israyeli; ka va hafuhi, ni ka va kule, ka otshe matiko ale u nga va hangalasa ka ona, ngu mhaka ya wuhambunyeti wawe, wule va nga kuhambunyeta ngu wona, ngu ku kuwukela.

Jobe 12:6

Matenda a vaxaseli ma humute; kambe vale va lwisako Txizimu kha va tsani; Txizimu txa va ninga sotshe manzani kwawe.

Habhakuki 1:4

Ngu mhaka yiya, mlayo wa hungulwa mtamo, se timhaka kha ti nja nga hoka magwito; nguko m'bihi a randela wule wo lulama, se timhaka ti lamulwa ngu nzila yo wekela.

Masalmo 51:4

Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

Masalmo 37:35

Ni woni m'thu wo biha a txi ti kukumukisa ngu mtamo, e nava kufana ni mndonga wa mazokoro o nyuka;

Zefaniya 3:5

Mkoma a lulamile hagari ka dona; ene kha mahi to biha; mixo ni mixo a wuyisa wululamo wakwe hakubasani; kha dhuki a txi pwateka; hambi keto, wa kubiha kha nga ni tingana.

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

Jeremiya 5:11

Nguko nyumba ya ka Israyeli ni nyumba ya ka Judha ti ni ongile ngutu, kuwomba Mkoma!”

Jobe 13:3

Se ni na womba ka wule wa Mtamo-Wotshe; ni lava kutiemela masoni ka Txizimu.

Ezra 9:15

O! Mkoma, Txizimu txa ka Israyeli, awe u lulamile, nguko hi hulukile, ngako ti wonekako nyamsi; wona taku hiho masoni kwako, kudilani kwathu, nguko kha ngaho ni wammweyo wo dingana kuva masoni kwako, ngu mhaka ya toneto.

Hoseya 6:7

Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.

Isaya 48:8

Hambi awe khwa tipfa, hambi ku tiziva, ni ka kudotho kukhukhela kale kha ya tulwa nzeve yako, nguko ani ni txi tiziva taku, khu na kuthembeka, ni ti to u txi ndaka-milayo kukhukhela mndani ka mame wako.

Isaya 41:21

Txhamuselani mhaka yanu, kuwomba Mkoma; tisani wufakazi wanu wo tsana, kuwomba Mfumeli wa Jakobe.

Mavingu 1:32

Nguko avale vo pwata mapimo va na dawa ngu kutimela kwawe, se kuhumelela ka siphukuphuku ku na va fuvisa.

Masalmo 145:17

Mkoma a lulamile ka totshe tinzila takwe, ni kusawuleka ka yotshe mithumo yakwe.

Masalmo 119:137

Mkoma, awe u lulamile mithetho yako ni yona yi lulamile.

Masalmo 119:75

Mkoma, ani na tiziva ti to mithetho yako nja yinene khu hoxisi, ngako u txi ni tsayisa.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Nehemiya 9:33

Aniko, ka totshe ti ti hi humelelako, awe u lulamile; nguko awe u mahile ta tinene, se athu hi maha kubiha.

Masalmo 116:5

Mkoma ana ni wumbilu ni kululama, Txizimu txathu txi na ni wumbilu.

Ekleziyaste 8:14

Ku ngadi ni wumwani wukanganyisi wu mahwako txitimwi ka mafu: Ku ni vo lulama, va txhatxhazelwako ngu mithumo ya vabihi, ni vabihi va va txhatxhazelwako ngu mithumo ya vo lulama. Ni khani eto ni tona mbukanganyisi.

Jeremiya 3:7

Ani ni txi alakanya ku khani: Msana ko a di mahile totshe tiya, a na wuya kwangu. Aniko kha wuya. Sekoko Judha ndiya yakwe yo mbi thembeka, a to ti wona.

Jeremiya 3:20

Ngu ditshuri nga ha wamsikati a mahako wubhemba ha mwayani kwakwe, ngu toneto, nyumba ya ka Israyeli mi si thembeki kwangu, kuwomba Mkoma.

Jeremiya 9:2

I ti ku no va ni dizumbo da vatsimbili muwa txiwulani, sekoko ni ndi nava ni di lekile vathu vangu, ni khukha hagari kwawe, nguko votshe va ni wugango, msengeletano wa vakangayisi.

Jeremiya 32:16

Se msana ka kuva ni di ningete dipapilo da mxavo ka Bharuke, mwana Neriya, ni to kombela ka Mkoma, ni txi khani:

Sidilo 1:18

“Mkoma a lulamile, nguko ani koko ni eyisile milayo yakwe; engisani koko anu motshenu, vathu, mi txi wona kupandiseka kwangu; votuma vangu ni majaha angu va tsute wukhumbini.

Ezekhiyele 18:25

Ma womba mi txi khanu: Nzila ya Mkoma hi nga yo lulama. Engisa koko awe nyumba ya ka Israyeli: Nzila yangu kha ya lulama kani? Hi nga tinzila tanu ti nga gombonyeka kani?

Jobe 8:17

mikoloti yakwe ya hoka txisimani; yi maha txiduko ka marigwi;

Jobe 24:12

Madhoropani va keta vathu, ni moya wa vo dayiswa wa kwangula; aniko Txizimu kha txi na mhaka ngu wuphukuphuku wawe.

Jobe 24:23

Ngako Txizimu txi txi va ninga kuhumula, va omelela ka toneto; sekoko maso awe ma tinzilani kwawe.

Masalmo 51:6

Wona taku u dhunda ditshuri mbiluni; ni gondise kuziva wutxhari mbiluni.

Dhaniyeli 9:14

Ngu toneto, Mkoma a xayisile dikhombo diya, se e di tisa txitimwi kwathu; nguko Mkoma, Txizimu txathu a lulamile amu ka mithumo yakwe yotshe yi a nga yi maha, kambe kha hi engisi dipswi dakwe.

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?