Jeremiya 11:6 - Bhiblia Yo Sawuleka

⁶ Sekoko Mkoma a to womba kwangu, a txi khene: Womba-womba totshe tiya timhaka madhoropani a ka Judha, ni mu tiruwani ka Jerusalema, u txi khawe: Engisani timhaka ta txiya txitumelelano, mi maha tona.

Jeremiya 11:6 Referans Kwoze

Jakobe 1:22

Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

Varoma 2:13

Nguko hi nga vale va engisako mlayo va wombwako ti to va lulamile masoni ka Txizimu; aniko va balwa ti to va lulamile, vale va mahako ti wu rumako wona mlayo.

Johani 13:17

Ngako mi txi tiziva tiya ni ku ti thuma, mi katekile.”

Jeremiya 19:2

huma u tsula mkovani, ka mwana Hinomi, hafuhi ni Txike txa Sirengele, u txhumayela kheyo timhaka ti ni no kugela.

Jeremiya 7:2

Ema ha txikeni ka Nyumba ya Mkoma, na u txi peka nyiwo eho ngu mhaka yiya, u txi khawe: Engisani mhaka ya Mkoma, anu motshenu va ka Judha, mi wulelako ngu sike siya ku ta khozela Mkoma.

Jeremiya 3:12

Tsula u ya nuwela mahungu awa wuphemba, u txi khawe: Wuya Israyeli, awe u nga phawuka, kuwomba Mkoma. Na mbiswa ni mi henyela, nguko ni ni wumbilu, kuwomba Mkoma, na mbi kho ni henya kala kupinduka.

Zakariya 7:7

Ina anu kha ma mapfa mapswi ale Mkoma a nga ma txhumayela, ngu mthumo wa vaprofeti vo khata, mbimo yile Jerusalema a nga ti ngadi ni vathu, na a di thuthile, ni kuranganyetwa ngu madhoropa akwe, se Wulambwe ni libalani, ku ti ti ni vathu kani?

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Dhewuteronome 4:1

Konkuwa koko awe Israyeli, engisa milayo ni sileleto si ani nyamsi ni mi godisako, kasi ku mi si vekisa, mi mana kuhanya, mi txi wulela, mi fuma ditiko di Mkoma, Txizimu txa vatate vanu, a no mi ninga.

Dhewuteronome 4:5

Wonani ani ni mi gondisile milayo ni sileleto, madingano ni ti Mkoma, Txizimu txangu, a nga ni rumisa tona, ti to mi txi si londeta, amu ka ditiko di mi no wulela ka dona, mi txi di fuma.