Jeremiya 11:5 - Bhiblia Yo Sawuleka

⁵ kasi ni na tsanisa txifungo txi ni nga txi xambanya ka vatate vanu: Txa kuvaninga ditiko di khulungako masi ni wulombe, nga ti ku ku ngu tona nyamsi. Sekoko ni to xamula, ni txi khani: Amen, Awe Mkoma!

Jeremiya 11:5 Referans Kwoze

Jeremiya 28:6

Mprofeti Jeremiya koko a txi khene: Amen! Mkoma a na ti mahe eto. Mkoma a na tatise timhaka tako, ati u nga ti profeta, ta ku wuyisa siya sa Nyumba ya Mkoma, ni votshe va ku wukhumbini ka Bhabhilona, va txi wuya hawa.

1 Vakorinto 14:16

Nguko, ngako u txi bonga ngu moya wokha ka Txizimu, se awule i kova m'thu dwe msengeletanoni, eko asi ti pfiko ati u wombako, a na sikotisa kutxani kuangula, a txi “Amen” ka mkombelo wako wa kubonga, kani?

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Dhewuteronome 6:3

Ngu toneto, awe Israyeli, engisa u txi khutalela kuvekisa milayo yiya, u na mana kukateka, kambe u na anda ngutu, ka ditiko di di khulungako masi ni wulombe, nga ti a nga kugela Mkoma, Txizimu txa vatate vako.

Levhi 20:24

Ani ni mi gete ni txi khani: Anu mi na ya fumela ditiko dawe, ni na mi ninga dona di txi va i di thomba yanu, ditiko edo di khulungako masi ni wulombe. Ani ngani Mkoma, Txizimu txanu, ni nga mi thavisa hagari ka vamwani vathu.

Eksodha 13:5

Ngako Mkoma a di mi hokisile ditikoni ka Vakanana, da Vaheti, da Vaamori, da Vahevhi ni da Vajebhusi, adi a nga xambanya ku di ningela ka vatate vanu, ditiko di dikhulungako masi ni wulombe, ditshiku diya mi na di vekisa, ka wona wuwa mtxima.

Jeremiya 32:22

U va ningile ditiko di u ngadi xambanya ka vatate vawe ati taku u na va ninga dona, ditiko di di khulungako masi ni wulombe;

2 Makronika 6:17

Konkuwa awe Mkoma, Txizimu txa Israyeli, di na tatiseke dipswi dako adi u nga womba ka txithumi txako, tate wangu Dhavhidha.

Masalmo 105:8

Mkoma wa alakanya yotshe mbimo txitumelelano txi a nga tximaha, txitumelelano txi a nga xambanya ku txi veketa ka tiveleko ta magumi a mazana.

Jeremiya 19:12

Nguto ni no maha ngu wuwa wukhalo, kuwomba Mkoma, ni ka vaaki va kona; ina didhoropa diya ni na di maha ku nga Tofeti.