Jeremiya 11:4 - Bhiblia Yo Sawuleka

⁴ a txi ni nga layela vatate vanu ditshikwedo ni nga va humisa ditikoni ka Egipta, aha ka m'dhikila wa nyundo ya txikete, ni txi khani: Engisani dipswi dangu, mi txi maha totshe ti ni mi rumako; sekoko mi na va ditiko dangu, nanani ni na va Txizimu txanu,

Jeremiya 11:4 Referans Kwoze

Dhewuteronome 4:20

Aniko, Mkoma a mi tekile e mi humisa ditikoni ka Egipta, ka txikho txa tisimbi, kasi ku miva vathu va mi kuthomba yakwe, ku nga ti nyamsi mi ti wonako.

Levhi 26:12

Ni na va hagari kwanu, ani ni na va Txizimu txanu, nanu mi na va vathu vangu.

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

1 Vafumeli 8:51

Nguko ngu vona vathu vako ni thomba yako u nga yi humisa ngu ditikoni ka Egipta, hagari ka txikho txa simbi,

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Ezekhiyele 37:23

Kambe kha va na mbiswa kambe ve nyenyeziswa ngu sithombe sawe, hambi ngu manyala awe, ni sihambunyeto sawe; kambe ni na va txhatxhisa ka otshe makhalo ale va nga onha na va txi zumba ka ona, se ni na va sawulekisa.

Ezekhiyele 36:28

Se mi na ya zumba ka mafu ale ni nga ninga vatate vanu, anu mi na va vathu vangu, ani ni na va Txizimu txanu.

Ezekhiyele 14:11

kasi ku nyumba ya ka Israyeli yi si swi yi khukha kwangu, hambi kuwulelelwa kambe ngu wuhambunyeti wa yona; sekoko vona va na va vathu vangu, ani ni na va Txizimu txawe, kuwomba Mkoma Txizimu.

Ezekhiyele 11:20

kasi kuva txi na tsimbila ngu sileleto sangu, va txi xayisa silayelo sangu ni ku si maha; se vona va na va vathu vangu, ani ni na va Txizimu txawe.

Jeremiya 30:22

Anu mi na va vathu vangu, nani ni na va Txizimu txanu.

Jeremiya 26:13

Ngu konaho, phemberusani koko mahenyelo anu ni simaho sanu, mi txi engisa dipswi da Mkoma, Txizimu txanu, sekoko Mkoma a na hunduluka ka dikhombo di a ngadi womba ngu nganu.

Dhewuteronome 11:27

Txikatekiso, ngako mi txi xayisa sirumo sa Mkoma, Txizimu txanu, asi nyamsi ni mi leletako;

Levhi 26:3

Ngako mi txi londeta sileleto sangu, mi veketa milayo yangu, ni ku yi maha,

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Zakariya 6:15

Se avale va ku kule, va nata ve ta aka dithepeleni ka Mkoma, anu mi na tiziva ti to Mkoma wa Mabutho a Tiyimbi a ni rumile kwanu; kambe eto ti na maheka, ngako mi txi pfisisa dipswi da Mkoma, Txizimu txanu.

Ezekhiyele 37:27

Kambe nyumba yangu yi na va hagari kwawe, ani ni na va Txizimu txawe, se vona i nava vathu vangu.

Jeremiya 32:28

Ngu konaho, Mkoma a khene: Wona, ni na ningela diya didhoropa manzani ka Vakaldheya, ni manzani ka Nebhukodhonosori mfumeli wa Bhabhilona, a na di teka.

Isaya 48:10

Wona taku ni ku basisile, i si nga ku nga silivhela; ni ku dukile ka mndilo wa sixaniso.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Eksodha 20:6

Kambe na maha wumbilu kala ka liveleko la digumi da mazana, ka vale va ni randako, avale va xayisako milayo yangu.

Isaya 30:6

Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.

Jeremiya 11:7

Nguko kukhukhela ditshikwedo ni nga humisa ngu dona vatate vanu ditikoni ka Egipta, kala kuhoka nyamsi, ni va gete ni txi ngadi ni vinduka ni mixo, ni va laya, ni txi khani: Engisani dipswi dangu!

Jeremiya 38:20

Jeremiya a to khene: Kha va na mbi kuningela; hi nga engisa dipswi da Mkoma, adi ni ku gelako dona; u na zumbiseka u hanya.

Dhaniyeli 3:26

Sekoko Nebhukodhonosori a to tshuketa haditimbani ka txikho txa mndilo wo tura ngutu; e kwangula a txi khene: “Xadreke, Mixake, Abhedhi-Nego, anu sithumi sa Txizimu Nyatxitimwi, humani, ngonani kheno!” Sekoko Xadreke, Mixake ni Abhedhi-Nego va to huma ngu hagari ka mndilo.

Dhewuteronome 5:6

“Ani ngani Mkoma, Txizimu txako, ni nga kuhumisa ditikoni ka Egipta, ka nyumba ya wukhumbi.

2 Vafumeli 18:6

Nguko a ti gwatamisile ni Mkoma, kha tsula kule nayo, kambe a vekisile silayelo sile Mkoma a nga ti ningile Mosi.