Jeremiya 11:19 - Bhiblia Yo Sawuleka

¹⁹ Ani ni fana ni hambana yo thutha yi yiswako kudawani; ni si ti zivi taku va ti ti ni txikungo txo ni wukela, txaku: A hi dikheni mndonga ni muhando wa wona, hi txi wudula ditikoni ka va va hanyako, kasi ditina dakwe di siswi di alakanywa.

Jeremiya 11:19 Referans Kwoze

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Masalmo 83:4

Vona va kha vona: “He va fuviseni hagari ka vathu, kasiku di si swi di txi khumbulwa ditina da Israyeli.”

Masalmo 31:13

Ni engisile va txi womba-womba kubiha ngu ngani; ni taletwe ngu dizowa, nguko valala vangu va ni rambete txikungo, va lava ku ni daya.

Jobe 28:13

M'thu kha zivi lisima la wutxhari; wutxhari kha wu maneki ka mafu a vo hanya.

Masalmo 27:13

Kambe ani, na themba ngu kutsanisa ti to ni na wona wunene wa Mkoma ditikoni ka va va hanyako.

Mitengo 1:14

ka Gadhi, i Eliyazafi, mwana Reweli;

Isaya 38:11

Ani ni ti ti khani: Kha ni na mbi ngadi ni wona Mkoma ditikoni ka vo hanya, kha ni na mbi ngadi ni wona m'thu, ni vahanyi va ha mafuni.

Isaya 32:7

Kambe siya sa wa likungo si bihile; ene a sika makungo o biha, kasi kuonha vale vo thutha, ngu mapswi awalo, hambi ngako txisiwana txi txi womba ditshuri.

Mavingu 10:7

Ku alakanywa ka wo lulama ku katekile, aniko ditina da vaonhi di na sina.

Mavingu 7:22

Se ene e mlondisa koneko, nga homu ya kuya kudawani; nga txiphukuphuku txi txayiswako mkorani;

Masalmo 116:9

Ngu toneto, ni na tsimbila masoni ka Mkoma, ditikoni ka va va hanyako.

Masalmo 109:13

Liveleko lakwe li na gume ni txibongo txakwe txi na fuve ka liveleko li litako.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Masalmo 142:5

Ni dite kwako awe Mkoma, ni txi khani: “Awe ngawe wuthavelo wangu; kambe u thomba yangu ka mafu ya va va hanyako!”

Masalmo 112:6

ene i ku wo thembeka, kha na mbi wa hahatshi a na zumba a txi alakanywa yotshe mbimo.

Masalmo 52:5

Ni txona Txizimu txi na kulovisa kala kupinduka. Txona txi na kuñola txi ku huka ha m'tini kwako; txona txi na kuthavisa mu ditikoni ka vohanya.

Masalmo 35:15

Aniko mbimo yi ni nga humbwa, va to tshangana va txi ni seka; va to ni randela valala vangu, kasi ku ni lwisa, vathu vale ni si va ziviko va to ni peketela va si karali.

Jeremiya 26:8

Ngako Jeremiya a di gwitile kutxhumayela, totshe ti a nga rumwa ngu Mkoma kuzivisa votshe vathu, vaphaxeli ni vaprofeti ni votshe vathu, va to kha vona: Ngu ditshuri, u na kufa!

Sidilo 3:60

Otshe makungo awe a ku ti dihisela, ni kulwa ni nani u ma woni.

Ezekhiyele 32:24

Koneyo waho Elame ni dotshe dibutho dakwe, di nga randela diyiva dakwe; votshe va to dayelwa, va txi wiswa ngu ditxhari; va relete hahatshi ngutu ka mafu; va wusile kuthava ha mafuni ka vo hanya, ve rwala tingana tawe kumweko ni vale va nga relela diphalani.

Mavingu 24:15

Awe m'bihi, u nga baramele m'ti wa m'thu wo lulama, hambi kuhanda nyumbani kwakwe.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

Hoseya 9:8

Efrayime i ti muwoneleli kumweko ni Txizimu txangu, kambe mprofeti a fana ni litshenga la mxoti wa sinyana ka totshe tinzila takwe, m'lala nyumbani ka Txizimu txakwe.