Jeremiya 11:17 - Bhiblia Yo Sawuleka

¹⁷ Nguko Mkoma wa Mabutho a Tiyimbi awu a nga kuphaya, a na rumela makhombo txitimwi kwako, ngu mhaka ya kubiha kuwa ku nga mahwa ngu nyumba ya ka Israyeli ni nyumba ya ka Judha, ve ni henyisa ngu kuhisela dibaselo Bhahali.

Jeremiya 11:17 Referans Kwoze

Isaya 5:2

Se a to dima e thavisela marigwi, e phaya mivhinya ya yinene ngutu; e aka txitezi hagari ka thembwe, a txi kelela dipipa do kamela ka dona mihando, a txi verela ku yi veka mihando ya yinene; aniko yi to veka mihando yo bava.

Jeremiya 12:2

Awe u va phayile ve zima mitwi; ve kula, ve ninga mihando. Awe u hafuhi ni sisofu sawe, aniko u kule ni timbilu tawe.

Jeremiya 2:21

Ni kuphaya ku nga mndonga wo tshura wa m'vhinya, wa lixaka la linene; u phemberukete txani u maha mndonga wa limwani lixaka kani?

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.

Ezekhiyele 17:5

Di to teka mbewu ya ditikonimo di yi xwaya ka thembwe yokari; di to yi phaya hafuhi ni mati, kha kwati ngutu.

Jeremiya 45:4

U na m'gela tiya: Mkoma a khene: Asi ani ni nga si aka na si khundumusa, asi ni nga phaya ni na si dula, ni na maha eto kotshe ha mafuni.

Jeremiya 42:10

Ngako mi txi zumba ngu wunene, ni na mi aka, ni si mi khundumusi; ni na mi phaya ni si mi duli, nguko na ti laya ngu wubihi wu ni nga mi mahela.

Jeremiya 40:2

Nduna ya vawoneleli yi to dhana Jeremiya, yi txi kwakwe: “Mkoma, Txizimu txako, a wombile ngu diya dikhombo txitimwi ka wuwa wukhalo;

Jeremiya 36:7

Mwendo va na khongela masoni ka Mkoma, se ve hunduluka mmwani ni mmwani ka nzila yakwe yo biha, nguko kuhenya ni txiviti txa Mkoma nza hombe, asi a wukelako ngu sona vathu vava.

Jeremiya 35:17

Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Wona, ni na neha txitimwi ka Judha, ni ka votshe va zumbako Jerusalema, dotshe dikhombo ni ngadi womba kwawe; nguko ni khala ku va gela, aniko kha va engisa; ni va dhani, aniko kha va xamula.

Jeremiya 26:19

Ina Ezekhiya, mfumeli wa ka Judha, ni dotshe ditiko da ka Judha, va mu date kani? Ina kha thava Mkoma, a txi kombela dikato, kuva Mkoma a txi hunduluka ka dikhombo di a nga womba ngu dona kwawe kani? Se athu, kha hi njo mahela wubihi mihefemulo yathu kani?

Jeremiya 26:13

Ngu konaho, phemberusani koko mahenyelo anu ni simaho sanu, mi txi engisa dipswi da Mkoma, Txizimu txanu, sekoko Mkoma a na hunduluka ka dikhombo di a ngadi womba ngu nganu.

Jeremiya 24:6

Ni na va wona ngu wunene, ni na tshumela ni va wuyisa ka diya ditiko. Ni na va akisa, ni si va wisi hahatshi; ni na va phaya ni si va duli.

Jeremiya 18:8

aniko ngako ditiko di ni nga womba-womba ngu dona, di txi hunduluka kubihani ka dona, nanani ni na hunduluka ni leka ku di rumelela dikhombo di ni nga ti lavile ku di rumela.

Jeremiya 11:11

Ngu konaho, Mkoma a khene: Ni na neha dikhombo txitimwi kwawe, kha va na mbi huluka ka dona; va na dilela kwangu, aniko kha ni na mbi va engisa.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Masalmo 80:15

Xayisa m'vhinya wuwa u nga wu phaya, tximilwa txi u nga txi kulisa.

Masalmo 80:8

U wuyisile ngu Egipta mndonga wa m'vhinya, u tutumisile vathu va mahedheni, u txi wu phaya.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

2 Samuwele 7:10

Ni longisile wukhalo wa vathu vangu, va ka Israyeli, se ni na va simeka, kasiku ve zumba ka wukhalo wawe, va si ngadi ve thaviswa kambe, vanana va wubihi kha va na mbi ngadi kambe ve va xanisa kufana ni kale,

Jeremiya 1:14

Mkoma a nje khene kwangu: “Dikhombo di nata ngu didhawa da Wuphemba, txitimwi ka votshe va ha mafuni.

Jeremiya 7:18

Vanana vo sengeletela tikhuni, vatate ve dhivela mndilo, ni vavasikati va vhuva mpupu kasi kumahela simbwanda txizimu txa txisikati, txi dhanwako ku mfumeli wa txisikati wa nzumani; na va txi ningela miningelo ya sakusela ka simwani sizimu, kasi ku ni wusela kuhenya.

Jeremiya 11:13

Nguko mtengo wa sizimu sako wu dingana ni wa madhoropa ako, awe Judha! Mi emisile magandelo a tingana me dingana ni tiruwa ta mu Jerusalema: I ku siluvelo so hisela kona dibaselo ka Bhahali.

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Jeremiya 32:30

Nguko kukhukhela ha wuphyani kwawe, vanana va ka Israyeli, ni vanana va ka Judha, va mahi va wubihi dwe masoni kwangu, nguko vanana va ka Israyeli va ni henyisile ngu mithumo ya manza awe, kuwomba Mkoma.

Jeremiya 44:8

Mi txi ni henyisa ngu mithumo ya manza anu, mi txi hisela miphaxo sizimu sa walo ditikoni ka Egipta, eyo mi nga wulela kuya luvela kona, kasi ku anu mi txi ti lovisa, ni ku mi va txiruko ni kutseketselwa hagari ka matiko otshe ha mafuni kani?

2 Makronika 28:25

Ni ka madhoropa otshe a ditiko da ka Judha a to aka makhalo o guleka kasi kuhisela ka ona dibaselo da simwani sizimu; ngu kumaha keto, a to wusa kuhenya ka Mkoma, Txizimu txa vatate vakwe.

Jeremiya 18:15

Nguko vathu vangu va ni divate, va hisile dibaso ka sifananiso. Si va humbile tinzilani kwawe, amu ka mapfhela a kale. Kuva ve wekelela ka nzila yo timeta, ya kwa mbi dhodwa.

Jeremiya 40:3

Mkoma a di nehile, e maha ti a nga womba, nguko mi ti ti onhete Mkoma, mi si engisi dipswi dakwe, miza mi humelwa ngu totshe tiya.

Jeremiya 44:5

Aniko vona kha va engisa, kha va namisa tinzeve tawe, ku va ve huma ka wubihi wawe, kasi va si hiseli miphaxo sizimu sa walo.

Hoseya 10:1

Israyeli m'vhinya wo txhuma ngutu; u veleka mihando ya wona; madingano ni kutala ka mihando ya wona, kufana ni toneto andisile siluvelo sakwe; mdingano ni kunona ka mafu, va mahile sifananiso sa sinene so wumbwa.