Jeremiya 11:11 - Bhiblia Yo Sawuleka

¹¹ Ngu konaho, Mkoma a khene: Ni na neha dikhombo txitimwi kwawe, kha va na mbi huluka ka dona; va na dilela kwangu, aniko kha ni na mbi va engisa.

Jeremiya 11:11 Referans Kwoze

Ezekhiyele 8:18

Ngu kumaha keto, nani ni na va henyela; diso dangu kha di na mbi va tsetsa, kambe kha ni na mbi va ni wumbilu; hambi va txo kwangula tinzeveni kwangu ngu dipswi da hombe, kha ni na mbi va engisa.

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Mavingu 1:28

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana.

Zakariya 7:13

Se ku to maheka tito, ngako ene a nga kwangula, vona kha va engisa, ngu toneto, ni vona va na kwangula, aniko ani kha ni na mbi va engisa, kuwomba Mkoma wa Mabutho a Tiyimbi.

Mika 3:4

Sekoko, mi na dila ka Mkoma, aniko kha na mbi mi engisa, ka mbimo yoneyo a na mi sisela khohe yakwe, nguko vona va mahile mithumo yo biha.

Jeremiya 14:12

Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

2 Vafumeli 22:16

Mkoma a womba tiya: Ni na tisa dikhombo ka wuwa wukhalo, ni ka vale va zumbako ka wona, i ku otshe mapswi a dibhuku dile di nga gondwa ngu mfumeli wa ka Judha.

Jeremiya 11:17

Nguko Mkoma wa Mabutho a Tiyimbi awu a nga kuphaya, a na rumela makhombo txitimwi kwako, ngu mhaka ya kubiha kuwa ku nga mahwa ngu nyumba ya ka Israyeli ni nyumba ya ka Judha, ve ni henyisa ngu kuhisela dibaselo Bhahali.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Isaya 24:17

Kuthava, ni diphala, ni mlawu, si ku emete, awe muaki wa ha mafuni.

Masalmo 18:41

Vona va peka huwa, aniko ni wammweyo kha va lamuleli; va dhana Mkoma, aniko ene kha va xamuli.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Amosi 5:19

Ku nga m'thu wo tutuma masoni ka ngonyamo, se eya tshangana ni txikakaka, mwendo ku nga o wulela nyumbani, e veka diwoko hadisetani, se e lumwa ngu mnyoka.

Ezekhiyele 7:5

Mkoma a womba tiya: Dikhombo dimwedo, data dikhombo dimwedo.

Jeremiya 36:31

Ni na tsayisa ene ni liveleko lakwe ni sithumi sakwe ngu mhaka ya wubihi wawe; ni na tisa txitimwi kwawe ni txitimwi ka vazumbi va Jerusalema ni txitimwi ka vathu va ka Judha, makhombo otshe awa ni nga ma womba txitimwi kwawe, aniko kha va engisa.

Jeremiya 35:17

Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Wona, ni na neha txitimwi ka Judha, ni ka votshe va zumbako Jerusalema, dotshe dikhombo ni ngadi womba kwawe; nguko ni khala ku va gela, aniko kha va engisa; ni va dhani, aniko kha va xamula.

Jeremiya 23:12

Ngu konaho, nzila yawe yi na va ni makhalo o rithimukela amu txidemani, va na rethwa va txi wa ka yona, ni na va nehela dikhombo ka dilembe da kupekwa kwawe, kuwomba Mkoma!

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.

Jeremiya 19:3

U txi khawe: “Engisani dipswi da Mkoma, anu vafumeli va ka Judha, ni nanu vazumbi va Jerusalema; Mkoma wa Mabutho a Tiyimbi, Txizimu txa ka Israyeli, a khene: Wonani, ni na tisa dikhombo ka wuwa wukhalo, edo hambi i txo va mani a no dipfa, tinzeve takwe ti na tingwa.”

Jeremiya 15:2

Ngako va txi ku wotisa, va txi kha vona: Eko hi naya hayi kani? U na va xamula, u txi khawe: Mkoma a khene: Ava va nga emiselwa kufa, va na ya kufani; ava va nga emiselwa ditxhari, va na ya ditxharini; ava va nga emiselwa nzala, va na ya nzalani; ni va va nga emiselwa wukarawa, va na ya wukarawani.

Jeremiya 11:14

Ngu konaho, u nga va kombelele vava vathu, u nga thuke u guleta dipswi ngu vona ngu mkombelo, nguko kha ni na mbi va pfa mbimo yi va dilako kwangu, ngu mhaka ya dikhombo dawe.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Masalmo 66:18

Idiku ani ni ti mahile kubiha kokari, Mkoma nga a sa engisa dipswi dangu.

2 Makronika 34:24

Mkoma a khene: Na tisa kubiha txitimwi ka wukhalo wuwa ni txitimwi ka vahanyi va wona, otshe makhombo awa ma nga bhalwa ka dibhuku di di nga gondwa masoni ka mfumeli wa Judha.

Jobe 35:13

Ditshuri ngu ti to, Txizimu kha txi na mbi engisela wukanganyisi, hambi kupfiwa ngu wa Mtamo-wotshe.

Jeremiya 14:2

Judha wa dila, miti yakwe yi gumile mtamo, va khalahatsha na va di ambate mizila; Huwa ya pfala ngu Jerusalema.

Jeremiya 18:11

Ngu konaho, gela vavamna va ka Judha ni vazumbi va Jerusalema, u txi khawe: Mkoma a khene: “Na mi longisela dikhombo, ni na maha txikungo txo mi wukela. Ngu konaho, hundulukani mmwani ni mmwani nzilani kwakwe ko biha, mi txhukwatisa mahanyelo anu ni simaho sanu.”

Jeremiya 25:35

Vadyisi va na pwata nzila yo pfodola ngu yona, ni vahombe va mtxhambi kha va na mbi huluka.

Sidilo 2:22

U ni rambete votshe va ni va thavako vata nga ova ditshiku da m'buso. Ngu ditshiku da kuhenya ka Mkoma, kupwatekile ni wammweyo wo pshwitimuka, e huluka. Vanana va ni nga va kulisa ni ku va xayisa, mlala wangu a va hetile.

Ezekhiyele 14:3

Awe mwanana wa m'thu, vathu vava ngu timbilu tawe va themba sithombe sawe, ni wubihi wawe va wu vekile masoni kwawe; ina ni dingana kuwotiswa ngu vo nga vona kani?