Jeremiya 10:9 - Bhiblia Yo Sawuleka

⁹ Silivhela yi nga atetwa yi nehilwe ngu Tarxixi, ni nzalama ya Ufazi; mthumo wa manza a vatshuli; si ambate mkuxe wa nzuma; sotshe siya, mthumo wa titxhari.

Jeremiya 10:9 Referans Kwoze

Masalmo 115:4

Sizimu sa vamatiko i silivhela ni nzalama, sithombe so khandwa ngu manza awe:

Dhaniyeli 10:5

se ni to gula maso angu ni wona, ni to wona wamwamna wule a nga ti ambate syambalo sa linyu, a di sungile txiwunu txakwe ngu libhande la nzalama ho hehuka ya Ufazi.

Isaya 40:19

Mthumi wa vata txithombe, se mtshuli e nameketela nzalama ka txona, ni ku txi mahela liketani la silivhela.

1 Vafumeli 10:22

Nguko mfumeli a di ni sitataru sa Tarxixi, ni sitataru sa Hiramu; kumweko ngu malembe mararu, ku txi wuya sitataru sa Tarxixi si txi tisa nzalama ni silivhela ni makwasa a tinzofu, ni tifenhe ni digarakwinya.

Ezekhiyele 27:12

Tarxixi a ti ti thumisana ni nawe, ngu mhaka ya kutala ka totshe tixaka ta tithomba; ni silivhela, ni simbi, mthovhu ni simbi yo nemela ngutu mi ti ti thumisana ka makhalo ako.

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

Isaya 23:6

Pindani mi tsula Tarxixi, kambe pekani huwa anu vaaki va txitondoloni.

Ezekhiyele 27:7

M'jiyo wako wo lukwa i ti ti wa disilika da Egipta, kasi ku wu maha ditanga; da mkuxe ni kubhilivila, sitondoloni ka Elisi i ti ti didhamba dako.

Jona 1:3

Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma.

Habhakuki 2:19

Dikhombo ka wule a gelako ndonga a txi khene: Wuka! Se ni ka dirigwi da txiduma a txi khene: Vhumuka! Ina toneto ti nga gondisa kani? Wona ti to txi tshuletwe ngu nzalama ni silivhela, aniko hagari ka txona kuwalo moya ni wa wudotho.

2 Makronika 9:21

Nguko mfumeli a di ni sitataru sa Tarxixi, ni sitataru sa tikhumbi ta Hiramu, kumweko ngu malembe mararu, ku txi wuya sitataru sa Tarxixi si txi tisa nzalama ni silivhela, ni makwasa a tinzofu, ni tikhawu ni mapavawu.

Hoseya 8:6

Nguko edo ngu dona dirole do mahwa ngu Israyeli; mtshuli a ngadi maha, hi nga Txizimu. Aniko dirole da Samariya di na funyetelwa di maha sihwika.