Jeremiya 10:6 - Bhiblia Yo Sawuleka

⁶ Khangaho a fananako ni nawe, awe Mkoma; u wa hombe, ditina dako ndahombe ngutu.

Jeremiya 10:6 Referans Kwoze

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Masalmo 96:4

nguko Mkoma mbwa hombe, ana ni fanelo ya kudhumiswa, a fanete kuthawa kupinda sotshe sizimu!

Masalmo 48:1

Mkoma mbwa hombe, kambe a fanela kudhumiswa didhoropani ka Txizimu txathu, mmangoni kwakwe ko sawuleka!

Dhewuteronome 33:26

Awe Jesurumi kha nga ho wa kufana ni Txizimu, a tako a di gadhile tinzuma kasi ku ta ku vhuna, a tako ni wuhombe wakwe txitimwi ka marefu!

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Masalmo 145:3

Mkoma mbwa hombe, kambe ana ni fanelo yo dhumiswa ngutu, wuhombe wakwe kha wu sikoti kupimwa.

Dhaniyeli 4:3

Sikombiso sakwe nza hombe, ni sidiwukiso sakwe nza hombe ngutu ta tinene! Mfumo wakwe kha wu na mbi guma, ni kufuma kwakwe nga liveleko ni liveleko.

Masalmo 147:5

Mbwa hombe Mkoma wathu, kambe mbwa mtamo wa hombe; wuzivi wakwe kha wu na magwito.

2 Samuwele 7:22

Ngu toneto, u wa hombe ngutu, awe Mkoma Txizimu, nguko kha ku na wo fana ni nawe, kambe kha ku na tximwani Txizimu, hahanze kwako dwe, madingano ni totshe ti hi nga tipfa ngu tinzeve tathu.

Jeremiya 32:18

Ngawe u nga mahela wumbilu magumi a mazana, u tshumeta wubihi wa vatate tikhanani ka vanana vawe msana kwawe; u wa hombe, Txizimu Nyamitamo, ditina dako u Mkoma wa Mabutho a Tiyimbi.

Isaya 40:25

Mi na ni fananisa ni mani koko, kasi ku ni txi fana nayo kani? Kuwomba Msawuleki.

Eksodha 8:10

Faro a to womba a txi khene: “Mangwana.” Se Mosi a txi khene: “Ti na maheke nga kuwomba kwako, kasiku u tiziva tito, kha ku nga ho mmwani wo fana ni Mkoma, Txizimu txathu.”

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Isaya 46:9

Alakanyani timhaka ti ti nga pinda ta kale ngutu: Taku ani ngani Txizimu, se kha ku na tximwani Txizimu, kha ku nga ni tximwani txo fana ni nani;

Isaya 46:5

I mani mi no ni fananisa nayo, niku mi na ni dinganisa ni mani, mi ni fanaisa kuva hi fana kani?

Isaya 40:18

Mi nga txi fananisa ni mani koko Txizimu, mwendo mi nga txi fananisa ni txani kani?

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Nehemiya 4:14

Se ni to wonisisa, ni khukha ni txi khani ka vathangeli ni ka va thaviseki, ni ka miboti ya vathu: Mi nga va thaveni; alakanyani Mkoma, wa hombe, wo thaviseka, lwelani vananu, vanana vanu, vasikati vanu, ni tinyumba tanu.

Dhewuteronome 32:31

Nguko dirigwi dawe kha di fani ni Dirigwi dathu, ni valala vathu ndifakazi ta mhakeyo.

Eksodha 9:14

Nguko, ka mbimo yiya, ni na ruma makhombo otshe kwako, ni ka mahalamu ako, ni ka votshe vathu vako, kasiku u txi tiziva ti to kha ku nga ho mmwani wo fana ni nani ha ditikoni kotshe.

1 Vakorinto 8:6

kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

1 Makronika 16:25

Nguko Mkoma mbwa hombe; a fanela kudhumiswa ngutu, wa thaviseka kupinda sotshe sizimu.