Jeremiya 10:25 - Bhiblia Yo Sawuleka

²⁵ Tshakunuta txiviti txako, txitimwi ka vamatiko, ava va si ku ziviko, ni txitimwi ka tixaka ti ti si dhaniko ditina dako; nguko va kakatxute Jakobe; va mkakatxute, va txi mmita, ni m'ti wakwe va wu mahile dirumbi.

Jeremiya 10:25 Referans Kwoze

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

Jobe 18:21

To nga eto, ngu tona ngu ditshuri, tinyumba ta vahambunyeti, se awuwa ngu wona wukhalo wa wu asi ziviko Txizimu.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

1 Vatesalonika 4:5

I si nga kulondetela minavelo yo hisa, nga vamatiko va va si ziviko Txizimu.

Zakariya 1:15

Se ngu kuhenya ka hombe, na henyela matiko ale ma ku kuhumulani; nguko, mbimo yi ni nga ti ti swirwekile ka kudotho, ona ma to engetela wubihi.

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Jeremiya 50:17

Nvuta yo mwalala ngene Israyeli; tingonyamo ti mtutumisile. Mfumeli wa Asiriya ngene a nga khata ku m'vhandamulela; se ngu magwito Nebhukodhonosori, mfumeli wa Bhabhilona, a to mfunya marambu.

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Masalmo 27:2

Ngako vathu va kubiha va txi ni wukela ve zama ku ni daya, ngu vona valala vangu va humbwako va txi wa.

1 Vakorinto 15:34

Wukani ta tinene, mi nga yeni masoni ngu kuonha. Vamwani kwanu va hanya va si zivi ni txilo ka timhaka ta Txizimu. Ni womba tiya kasiku mi tipfa tingana.

Mithumo 17:23

Nguko, ngako ni txi tsimbila, ni wona magandelo anu, ni mani txiluvelo txi txi nga ti bhatwe tito: ‘Ka Txizimu txi txi si ziwiko.’ Se ani ni tela ku ta mi zivisa Txizimu txi anu mi txi gandelako mi si txi zivi.

Johani 17:25

Tate wa kululama, hambi ditiko di sa kuziva, ani ni ku zivile, ni vona va ti zivile ti taku u ni rumile.

Zefaniya 3:8

Ngu toneto, ni vereleni, kuwomba Mkoma: Ka ditshiku di ani ni no khukha ni txi ya handa; nguko maalakanyo angu ngu kusengeleta matiko, ni kutshanganisa mifumo, kuva ni txi na tshakunuta kuhenya kwangu, ni kotshe kupandiseka ka txiviti txangu; nguko otshe mafu awa, ma loviswa ngu mndilo wa txiluse txangu.

Sidilo 2:22

U ni rambete votshe va ni va thavako vata nga ova ditshiku da m'buso. Ngu ditshiku da kuhenya ka Mkoma, kupwatekile ni wammweyo wo pshwitimuka, e huluka. Vanana va ni nga va kulisa ni ku va xayisa, mlala wangu a va hetile.

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Isaya 43:22

Hambi keto, khwa ni dhana awe Jakobe, aniko u karate ngu ngani, awe Israyeli.

Mtuletelo 16:1

Se ni to engisa dipswi da hombe di txi ta ngu Dithepeleni, di txi gela tingelozi ta mtxhanu ni timbidi, di txi kha dona: “Tsulani, mi txi ya theketa txitimwi ka mafu, magombe a mtxhanu ni mambidi a kuhenya ka Txizimu.”

Masalmo 69:24

Theketa txiviti txako txitimwi kwawe; va na hokelwe ngu dikhulo da kuhenya kwako!

Masalmo 147:20

Ene kha ti maha tiya ka mamwani matiko, kha ma tulela kuziva mithetho yakwe. Dhumisani Mkoma!

Isaya 9:12

Vasiriya va nata ngu wutxani, se Vafilista va nata ngu wuphemba, ve ta khadamula Israyeli ngu txisofu txo asama; hambi keto, kuhenya kwakwe kha ka pinda, aniko dianza dakwe di ngadi nawulutilwe.

Jeremiya 11:1

Yi tile mhaka ka Jeremiya ngu ka Mkoma, yi txi kha yona:

Jeremiya 30:16

Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.