Jeremiya 10:22 - Bhiblia Yo Sawuleka

²² Wonani taku data dipswi da nduma, dizunga da hombe di tako ngu Wuphemba, ku ta phemberusa madhoropa a ka Judha ma txi maha marumbi, i ku wukhalo wa maxolwa.

Jeremiya 10:22 Referans Kwoze

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Malakiya 1:3

ni nyenya Esawu; mimango yakwe ni yi mahile marumbi, aniko ni ningete thomba yakwe ka maxolwa a txiwulani.

Jeremiya 6:22

Mkoma a khene: Wonisisani vathu vatako ngu Wuphemba, ditiko da hombe di na wuka ngu magwito ka mafu.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Jeremiya 5:15

Wonani taku ni na mi tisela vathu va kule, anu va nyumba ya ka Israyeli, kuwomba Mkoma, ditiko da hombe, ditiko da kale, adiya lidimi la kona mi no li timelela; kambe khu na mbi ti pima ti va no womba-womba.

Jeremiya 4:6

Gwimbani mijeke didhawani ka Siyoni, tutumani kasi ku mi ti hulukisa, mi nga emeni; nguko na mi nehela dikhombo na di txita ngu Wuphemba, ni kulovisa ka hombe.

Jeremiya 1:15

Nguko ni na dhana tixaka totshe ta matiko a Wuphemba, kuwomba Mkoma; ngu lixaka limwelo ni limwelo ni nata veka txikhalo txa lona txa wukoma, ha txikeni ka Jerusalema, ni kuwukela maguma a ma ranganyetako didhoropa, ni kuwukela otshe madhoropa a Judha.

Isaya 34:13

Se tinyumbani kwawe ka wukoma ku na mila mipa, maxexo ni sihaha ka mikhokhola yawe; ku na maha dizumbo da vamwamilambo, ni m'hubhe wa sisondo sa timbuwu.

Jeremiya 1:14

Mkoma a nje khene kwangu: “Dikhombo di nata ngu didhawa da Wuphemba, txitimwi ka votshe va ha mafuni.

Jeremiya 4:15

Nguko dipswi da pfala ngu Dhani di pfalisa dikhombo di khukhelako mmangoni ka Efrayime

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 49:33

Se Hazori a na va dizumbo da madragoni, ngu kufuviswa ka yotshe mbimo; kha nga ho a no zumba hale, kambe kha ku na mbi maneka mwanana wa m'thu.

Sidilo 1:4

Tinzila ta Siyoni ta dila nguko kha nga ho wu a tako ha msengeletanoni ka habanza; sike sakwe sotshe si savatisilwe vaphaxeli vakwe vatilaya; votuma vakwe va pandisekile, ni nene apune a ni kupandiseka.

Ezekhiyele 12:19

Se u na khawe ka vathu va ditikoni: Mkoma Txizimu a womba tiya madingano ni vazumbi va Jerusalema, ditikoni ka Israyeli: Va na dya dipawu dawe ngu kuthava, kambe va na sela mati ngu kudhukadhuka, sekoko ditiko dawe di na handwa amu kupfunani ka dona, ngu mhaka ya kulwa ka vale va zumbako ka dona.

Jeremiya 2:15

Tingonyamo tiwete txitimwi kwakwe ti txi bhonga-bhonga ngu dipswi da tona, ti bhandelela ditiko dakwe; miti yakwe yi hisilwe; kha ku na m'thu a zumbako ka yona.