Jeremiya 10:21 - Bhiblia Yo Sawuleka

²¹ Nguko vadyisi va bharukile, kha va xota Mkoma; ngukonaho kha va humeleli, sotshe sibala sawe si hangalakile.

Jeremiya 10:21 Referans Kwoze

Jeremiya 12:10

Vadyisi votala vo onhetela txivhina txangu, va kandile thembweni kwangu; thembwe yangu yo tshura va yi mahile txiwula.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Zakariya 10:3

Kuhenya kwangu ka tura kuwukela vadyisi, se ni na tsayisa vamabhongwe; kambe Mkoma wa Mabutho a Tiyimbi a na endela mtxhambi wakwe, i ku nyumba ya ka Judha, se a na va maha ku nga dihantxhi dakwe do thaviseka yimbini.

Ezekhiyele 34:12

Ku nga m'dyisi a lavako mtxhambi wakwe, ka ditshiku dile a ku hagari ka tinvuta takwe tile ti nga hangalaka, ni na mahisa tona eto kulava tinvuta tangu; kambe ni na ti wuyisa ngu ka otshe makhalo ale ti nga hangalaka ka ona, ka ditshiku da marefu ni da txidema.

Jeremiya 10:8

Votshe va bharukile ni kwa mba ziva, gondo ya sifananiso njo tanda.

Jeremiya 8:9

Titxhari ti wite tingana, ta dhudhumela ni kuñolwa. Ti kanetile mhaka ya Mkoma. Mbuzivi muni ti ku nawo kani?

Jeremiya 2:8

Vaphaxeli kha va nga wotisa, va txi kha vona: Ahani Mkoma kani? Ni vañoli va mlayo kha va nga ni ziva. Vathangeli va to ni tshuralela. Ni vaprofeti va profetile ngu Bhahali. Ve londeta sa kwa mbi vhuna txilo.

Jeremiya 50:17

Nvuta yo mwalala ngene Israyeli; tingonyamo ti mtutumisile. Mfumeli wa Asiriya ngene a nga khata ku m'vhandamulela; se ngu magwito Nebhukodhonosori, mfumeli wa Bhabhilona, a to mfunya marambu.

Jeremiya 49:32

Makameli awe ma na honyolwa, ni sifuyo sawe sasingi si na handwa: Ni na va hangalasa ka otshe madhawa ava va nga wila misisi yawe ya mabambe, se ngu ka otshe madhawa ni na va mahela marumbi, kuwomba Mkoma.

Jeremiya 10:14

Ngako va txi si wona vathu ve ema, va txi kaye, va si zivi txilo, ni vamahi va nzalama ve wiswa tingana ngu sifananiso sawe so vatwa; nguko sifananiso sawe makuhu, kha si nga ni dihika.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Jeremiya 22:30

Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”