Jeremiya 10:20 - Bhiblia Yo Sawuleka

²⁰ Ditenda dangu di hasamutwe, ni totshe tingoti tangu ti wikile. Vanana vangu va ni pfhukile, kha va ngaho; khangaho a ni gwimbelako ditenda dangu, ni kunawuluta mijiyo yangu.

Jeremiya 10:20 Referans Kwoze

Jeremiya 4:20

Kuhuwelela ngu kuloviswa txitimwi ka kulovisa, nguko ditiko dotshe di hasamutwe. Matenda angu ma khundumutwe ngu txidhukisa, ni midhuti yangu ngu mbimwanyana.

Jeremiya 31:15

Mkoma a khene: Huwa ya pfala aniya Rama, ya xomulo ni kudila ka txiviti, i Rakeli a dilelako vanana vakwe wa lamba kuthavelelwa nguko vanana kha va nga ngadi ho.

Isaya 54:2

Engetela wukhalo wa ditenda dako se mijiyo ya tinyumba tako, yi na nawuluke; u nga ma tsimbisele; laphisa tingoti tako, kambe tsanisa kha kwati timphande ta kona.

Sidilo 1:5

Valala vakwe va mxute, valala vakwe va humelela nguko Mkoma a mu wuyisete ngu mhaka ya kutala ka sihoxo sakwe; vanana vakwe, vayiswa wukhumbini masoni ka valala.

Isaya 51:16

Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.

Mavingu 12:7

Vaonhi va na kanganyiswa, kambe va na fuviswa, aniko nyumba ya vo lulama yi na tsana.

Jobe 7:8

Maso a vale nkonku va ni wonako, kha ma na mbi ni wona kambe; maso ako ma nava txitimwi kwangu, aniko kha ni na mbi va ani kambe.

Isaya 51:18

Ka votshe vanana vale u ngave navo, kuwalo ni wammweyo a ku kombako ditshuri; ni ka votshe vanana vale u nga va wunja, kuwalo ni wammweyo a mñolako ngu dianza.

Mika 2:9

Mi va rinzile hahanze vavasikati va vathu vangu, ka tinyumba tawe to va tsakisa; ka vafana vawe mi thavisile wudhundo wangu, kala kupinduka.

Jeremiya 30:17

Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.