Jeremiya 10:17 - Bhiblia Yo Sawuleka

¹⁷ Rwala thundu yako, u txi yi humisa ditikoni, awe u nga aka ka m'ti wu nga randelwa.

Jeremiya 10:17 Referans Kwoze

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Matewu 24:15

“Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

Mika 2:10

Khukhani mi tsula, nguko kha ku na mbi va hawa wukhalo wa kuhumula kwanu; ngu mhaka ya wukanganyisi wu hoxotako, ina, wu hoxotako kudotho-kudotho.

Jeremiya 21:13

Hi nga wona, ni ni txisolo ni nawe wo zumba mkovani, awe dirigwi da libalani, kuwomba Mkoma; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

Dhewuteronome 28:52

Wona wu na kurandela amu ka madhoropa ako otshe, kala kuza ma txi khundumuka maguma o demba a madhoropa ako otshe o tsana, aawa u nga ti ma themba amu ka dotshe ditiko dako, wu na kurandela ka otshe madhoropa ako, amu ka dotshe ditiko dile Mkoma, Txizimu txako, a ku ningako.