Jeremiya 10:16 - Bhiblia Yo Sawuleka

¹⁶ Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Jeremiya 10:16 Referans Kwoze

Dhewuteronome 32:9

Nguko txyavelo txa Mkoma ngu vathu vakwe; Jakobe njiavelo txa thomba yakwe.

Jeremiya 32:18

Ngawe u nga mahela wumbilu magumi a mazana, u tshumeta wubihi wa vatate tikhanani ka vanana vawe msana kwawe; u wa hombe, Txizimu Nyamitamo, ditina dako u Mkoma wa Mabutho a Tiyimbi.

Jeremiya 31:35

Mkoma a khene, awu a ningako ditambo kuwoninga ditshiku, ni kuleletela mtxima ni tinyeleti ha wusikuni, a bhandako linene ni kudhindisa mavimbi a lona; ditina dakwe Mkoma wa Mabutho a Tiyimbi.

Jeremiya 51:19

Mkoma wa Jakobe kha fani ni vawe; nguko ene M'vangi wa sotshe; kambe Israyeli lihunzu la thomba yakwe.

Jeremiya 10:12

Mkoma a mahile mafu ngu mtamo wakwe, e tsanisa ditiko ngu wutxhari wakwe, ngu wuzivi wakwe a nawulutile nzuma.

Masalmo 119:57

Awe Mkoma, ngawe u kuthomba yangu ani ni xambanya kuvekisa mithetho yako.

Masalmo 74:2

Alakanya vathu vako, ava u nga va sawula kukhukhela ka kale, vathu va tihunzu ti u nga ti tirula kasiku ti txi kulumba, alakanya mmango wa Siyoni, aha u zumbako kona.

Sidilo 3:24

Ni womba toneto, ni khani: Mkoma Txizimu i thomba yangu ngu toneto ni veka themba yangu kwakwe.

Masalmo 135:4

Mkoma a ti sawulete Jakobe ni va ka Israyeli kasiku ve maha thomba yakwe.

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

Masalmo 73:26

Hambi ngako mmidi wangu wu txi karala, Txizimu ngu txona txi ningako mtamo mbilu yangu; ngu txona i kuthomba yangu yo mbi guma.

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Isaya 51:15

Nguko ani ngani Mkoma Txizimu txako, txi txi bhandako linene, ni kudhindisa mavimbi a lona. Mkoma wa Mabutho a Tiyimbi, ngu dona ditina dangu.

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Isaya 47:4

Ditina da Mtiruli wathu, Mkoma wa Mabutho a Tiyimbi, Msawuleki wa ka Israyeli.

Mavingu 16:4

Sotshe si a nga si maha Mkoma asi emisete mithumo ya sona, hambi ni muonhi a mahetwe ditshiku do biha.

Masalmo 142:5

Ni dite kwako awe Mkoma, ni txi khani: “Awe ngawe wuthavelo wangu; kambe u thomba yangu ka mafu ya va va hanyako!”

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

Jeremiya 33:2

Kuwomba Mkoma awu a thumako mthumo wakwe, awu a longiselako ni kumaha; i Mkoma ditina dakwe:

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Zakariya 2:12

Sekoko Mkoma a na fumela Judha, eva thomba yakwe ka ditiko do sawuleka, kambe a na sawula Jerusalema.

Eksodha 34:9

a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Isaya 19:25

Nguko Mkoma wa Mabutho a Tiyimbi, a na va katekisa, a txi khene: Va na kateke Vaegipta, vathu vangu, ni Vasiriya, i ku mthumo wa manza angu, ni Israyeli, i kuthomba yangu.

Jeremiya 46:18

Na xambanya ngu kuhanya kwangu, kuwomba Mkoma, awu i ku Mkoma wa Mabutho a Tiyimbi, awuwa ngu ditshuri nga Tabhori hagari ka mimango, ni ku nga Karmeli hafuhi ni linene, a na tisa ku nga toneto.