Jeremiya 10:14 - Bhiblia Yo Sawuleka

¹⁴ Ngako va txi si wona vathu ve ema, va txi kaye, va si zivi txilo, ni vamahi va nzalama ve wiswa tingana ngu sifananiso sawe so vatwa; nguko sifananiso sawe makuhu, kha si nga ni dihika.

Jeremiya 10:14 Referans Kwoze

Jeremiya 10:8

Votshe va bharukile ni kwa mba ziva, gondo ya sifananiso njo tanda.

Isaya 42:17

Va na tshumelela msana se va na wa tingana avale va thembako sithombe so vatwa, va ku kha vona ka sithombe so wumbwa: Anu mi sizimu sathu.

Isaya 45:16

Va nawa tingana, kambe va na kanganyiseka votshe; va nawa kumweko vale va mahako sithombe.

Masalmo 97:7

Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!

Isaya 44:11

Wonani taku, votshe vale va si londetako va nawa tingana; nguko vathumi va kona vapune va huma hagari ka vathu; va na sengeletane votshe va txi ema; va na thava, kambe votshe va na wa tingana.

Masalmo 14:2

Mkoma a wona vathu a di nzumani, kasi kuwona ti to mwendo a nga mana m'thu wammweyo wo ziva, awu a lavako Txizimu.

Masalmo 92:6

Mabhemba kha ma yi zivi mhaka yiya siphukuphuku kha si yi pimisi.

Masalmo 94:8

Anu sipumbu, mi na gonda mbimo muni kani? Anu vathu va mahundwa, mi na ziva mbimo muni, kani?

Mavingu 30:2

Ngu ditshuri ani kha ni zivi txilo kupinda votshe; kha ni nga ni mapimo a wuthu,

Varoma 1:25

Vonavo va to phindula ditshuri da Txizimu ve di maha makuhu, ve khozela ni kuthumela siwumbwa, ve leka Muwumbi, awu a fanelako kubongwa ngu malembe ni malembe. Amen.

Jeremiya 10:5

Sifananiso sa ku nga phande thembweni ka mikhokho, si ema kona aniko kha si wombawombi; sona si lava kupakatwa, nguko kha si sikoti kutsimbila. Mi nga si thaveni, nguko kha si zivi kumaha kubiha, hambi kuva ni mtamo wo maha tinene.

1 Samuwele 5:4

Se magwanani ka kona, va ka Asidhodhe va to wuka kambe ni mabimbi-kutxa, ve wona Dhadoni a di wite hahatshi ngu khohe, masoni ka dibhokiso da Txizimu; se msungo wa Dhagoni ni manza akwe a mambidi, ma ti witwe txitimwi ka mtshunzuti; kusala dwe mmidi wa Dhagoni.

Isaya 57:12

Ani ni na pfalisa kululama kwako ni mithumo yako, aniko kha va na mbi kulondola.