Jeremiya 10:12 - Bhiblia Yo Sawuleka

¹² Mkoma a mahile mafu ngu mtamo wakwe, e tsanisa ditiko ngu wutxhari wakwe, ngu wuzivi wakwe a nawulutile nzuma.

Jeremiya 10:12 Referans Kwoze

Jobe 9:8

atxi txokha txi gwimbako nzuma; kambe txi tsimbilako txitimwi ka linene;

Genesisi 1:1

Kukhatani Txizimu txi vangile nzuma ni mafu.

Mavingu 3:19

Mkoma, ngu wutxhari, a vangile mafu; e veketetela nzuma ngu wutxhari.

Isaya 40:22

Ngene wule a nga khalahatsha txitimwi ka txiwumbulutwa txa mafu, awule kwakwe, ava va zumbako ha mafuni va fanako ni tihumbi; ngene a nawulutako nzuma yi txi nga m'jiyo, e yi gwimba ku nga ditenda, kasi kuve zumba ka dona;

Vakolosa 1:16

ngu kwakwe si vangilwe sotshe simaha nzumani ni ha mafuni, simaha si si wonekako ni si si si wonekiko, hambi siluvelo mwendo wufumeli, hambi wukoma mwendo mitamo; sotshe simaha si vangilwe ngu ngene, kambe si vangetwe ene.

Johani 1:3

Sotshe si vangilwe ngu dona, kuwalo ni txa tximwetxo txi nga vangwa hahanze ka dona.

Masalmo 24:2

Ngene a nga va nga mafu txitimwi ka linene, ngene a nga ma maha txitimwi ka minambo.

Zakariya 12:1

Mhaka ya dipswi da Mkoma txitimwi ka Israyeli. Mkoma wu a nawulutako nzuma, a vangako makhato a mafu, a thelako moya mndani ka m'thu, a womba tiya:

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.

Isaya 49:8

Mkoma a womba tiya: Ni ku engisile ngu mbimo ya yinene, ni kuvhuni ngu ditshiku da kuhanyiswa, ni na kuxayisa, ni na kumaha txitumelelano ka vathu kasi ku u na wusa ditiko ni kuvaninga kuva tithomba tawe tile ti nga xaselwa;

Isaya 48:13

Kambe dianza dangu di mahile mafu, ni dianza dangu da txinene di to pima nzuma; ni na si dhana si na woneka ngu mbimo yimweyo.

Isaya 45:18

Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.

Isaya 45:12

Ani ni vangile mafu, kambe ni vangile m'thu ka ona; ani ni m'vangile, manza angu ma nawulutile tinzuma, se ni otshe mabutho a kona ni ma ningile mlayo wangu.

Isaya 44:24

Mkoma, Mtiruli wako, wule a nga ku wumba kukhukhela mndani, a khene: Ani ngani Mkoma, ni mahako sotshe, ni atetako tinzuma, ni kunawuluta mafu ani nipune;

Isaya 42:5

A womba tiya Mkoma Txizimu, awu a nga vanga nzuma, e yi nawuluta, kambe a vangile mafu, ni sotshe si ma si humisako, a ningako kuhefemula ka vathu va va ku ka ona, ni moya, ka vale va tsimbilatsimbilako ka ona.

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Mavingu 30:4

I mani a nga nga kwela nzumani, e gwita e txhika kani? I mani a nga nga fumbareta moya ngu manza kani? I mani a nga nga phutela mati amu ka simaha kani? I mani a nga nga veka mihingano ya mafu kani? I mani ditina dakwe, ni ditina da mwanana wakwe, mwendo wa di ziva kani?

Masalmo 119:90

Kuthembeka kwako ku tsani ka liveleko ni liveleko, u mahile mafu me zumba ma di tsani.

Masalmo 78:69

A akile nyumba yakwe ya kukhozela, yo guleka nga nzuma a txi yi tsanisa kala kupinduka kufana ni mafu.

Jobe 26:7

Wuphemba ku gwimbwa ha ndengalengani; txi leketeta mafu aha ko mbi na txilo.

Masalmo 104:2

Ene wa ti fenengeta ngu liwoningo nga txyambalo a nawuluta tinzuma kufana ni m'jiyo.

Masalmo 93:1

Mkoma wa fuma; a ambate wuhombe; e kombisa wotshe mtamo wakwe. Ngu toneto, mafu ma tsani, kha ma na kudekadekiswa.

Genesisi 2:5

kukhukhela ku ti si nga ho mndonga ni wawumwewo ha mafuni, hambi ni mwasi wu ti sanzi kumila, nguko Mkoma Txizimu, a ti sanzi kunisa mati ha mafuni, ni kambe ku ti si nga ho m'thu wo dima mafu.

Jobe 37:18

Mwendo u gwimbile kumweko natxo nzuma, yo tsana kufana ni txibuko txo nyekiswa kani?

Isaya 37:16

O Mkoma wa Mabutho a Tiyimbi, Txizimu txa ka Israyeli, awe u zumbako hagari ka Makerubhima; ngawe u ku Txizimu, awe wekha, ka yotshe mifumo ya ha mafuni; awe u vangile nzuma ni mafu.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Jeremiya 27:5

Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

1 Makronika 16:26

Nguko sotshe sizimu sa ha mafuni kha si vhuni txilo; kambe Mkoma a vangile nzuma.

Masalmo 65:7

Awe wa malata kubhonga ka mati a linene, ku gobhoza ka mavimbi ni diguwa da vathu.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.