Se ku na maheka ka ditshiku donedo, kuwomba Mkoma wa Mabutho a Tiyimbi, ti to ni thavisa matina a sithombe ha mafuni, kha va na mbi ngadi ve si alakanya kambe; niku ni tovela vaprofeti, ni moya wa kwa mbi sawuleka ha ditikoni.
Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.
Se magwanani ka kona, va ka Asidhodhe va to wuka kambe ni mabimbi-kutxa, ve wona Dhadoni a di wite hahatshi ngu khohe, masoni ka dibhokiso da Txizimu; se msungo wa Dhagoni ni manza akwe a mambidi, ma ti witwe txitimwi ka mtshunzuti; kusala dwe mmidi wa Dhagoni.
A na dhivela mndilo tinyumbani ka sizimu sa Vaegipta ti txihya, a na yisa wukhumbini sifananiso sa sizimu sawe, a na basisa ditiko da Egipta nga ti m'dyisi a thaviselisako tona sigalani ka syambalo sakwe, a txi huma ngu kuthutha.
Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.
Mkoma Txizimu a khene: Kambe ni na khundumusela sithombe, ni kufuvisa sifananiso sa Nofe; kha ku na mbi ngadi kuva ni mthangeli wa ditiko da Egipta; ni na veka kuthava ditikoni ka Egipta.