Jeremiya 10:10 - Bhiblia Yo Sawuleka

¹⁰ Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Jeremiya 10:10 Referans Kwoze

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 76:7

Awe, Mkoma, wa thisa ka votshe; kuwalo wo tsana e tserama masoni kwako, ngako u di henyile.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Masalmo 42:2

Moya wangu wu ni ditora do lava Txizimu, Txizimu txo hanya! Ditshiku muni ni no ya wona khohe ya Txizimu kani?

Masalmo 100:5

Nguko Mkoma mbwamnene, ni wumbilu wakwe kha wu na magwitiko! Kambe ditshuri dakwe nda liveleko ni liveleko.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Masalmo 31:5

Na ti veka ngu kuhetiseka manzani kwako; ni hanyise, Mkoma, nguko awe u wo thembeka!

Masalmo 10:16

Mkoma wa fuma kala kupinduka; mahedheni ma na humiswe ditikoni kwakwe.

Masalmo 18:7

Sekoko mafu ma to zinginika, ma txi dekadeka, makhato a mimango ma to dhudhumela: Ma dhudhumete ngu kuhenya ka Txizimu.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Vahebheru 10:31

Ta thisa ngutu kuwela manzani ka Txizimu txi txi hanyako.

1 Timoti 1:17

Kwakwe Mkoma wa totshe timbimo, Txizimu txo mbi na kufa, txo mbi wonwa ngu maso, ka txona Txizimu txa tximwetxo dwe, kudhumiswa ni kupfaliswa si nave ka txona ngu malembe ni malembe. Amen.

1 Vatesalonika 1:9

Nguko, ngu vona vapune va xawutelako ati mi nga hi amukelisa tona, ni ti mi nga hindukisa tona, mi txi leka sithombe, mi txi namarela ka Txizimu, kufela ku mi txi thumela Txizimu txi txi hanyako, na i di txa ditshuri;

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Malakiya 3:2

Kambe i mani a no tsanisela ka ditshiku da kuta kwakwe kani? Ni ku i mani a no simama a diho, ngako ene a txi ta kani? Nguko ene a na nga mndilo wa mnyivilikisi, ni ku nga sephu ya vakuwuli.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.

Mika 1:4

Se mimango yi na nyivilika hahatshi ka mikondo yakwe, ni mikova yi na tuleka, ku nga phula mndiloni, kufana ni mati o khiringela kuhokomani.

Masalmo 146:6

a nga va nga tinzuma ni mafu, linene ni sotshe si si kuho ka sona, kambe a xayisako ditshuri kala kupinduka;

Masalmo 145:13

Mfumo wako mfumo wa kala kupinduka; kufuma kwako kuhoka ka totshe tiveleko.

Masalmo 114:7

Awe mafu, dhudhumela masoni ka Mkoma, masoni ka Txizimu txa Jakobe,

Masalmo 104:32

Mafu ma dhudhumela, ngako Mkoma a txi ma wonetela; mimango ya tuvika wutshi, ngako ene a txi yi gwesa.

Masalmo 97:4

Kukeluka ka singwalangwanda sakwe kuwoninga ditiko; mafu ma si wona, me tsekatseka!

Masalmo 93:2

Mkoma, txikhalo txako txa wukoma, txi tsani kukhukhela makhatoni, nguko awe waho kala kupinduka!

Masalmo 90:11

I mani a sikotako kuziva mtamo wa kuhenya kwako kani? I mani asi thaviko wurena wa kuhenya kwako kani?

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Masalmo 77:18

Kudhuma ka singwalangwanda sako ku to pfala txitimwi kukeluka ka nzuma ku to woningeta ditiko dotshe; mafu ma to dekadeka ma txi dhudhumela.

Jobe 9:6

atxile txi thavisako mafu ka wukhalo wa ona, se tiphande ta ona ti txi zinginika;

2 Makronika 15:3

Ka mbimo yo lapha va ka Israyeli va hanyile va si na Txizimu txa ditshuri, ni vaphaxeli vo va gondisa ni mlayo.

1 Vafumeli 18:39

Aha dibutho di nga ti wona tiya, di towa ngu tikhohe ta dona di txi kha dona: Mkoma ngene dwe i ku Txizimu! Mkoma ngene dwe i ku Txizimu!

1 Samuwele 17:36

Se txithumi txako txi ti dayiseto ngonyamo mwendo ursu; ni na mahisa toneto ka Mufilista wuwa wa kwa mbi yiswa wukwerani kufana ni tximwetxo txa sihari, ngu kule a nga ruketela mabutho a tiyimbi a Txizimu txi txi hanyako.

1 Samuwele 17:26

Sekoko Dhavhidha a to womba ka vavamna vale a nga ti ti navo, a txi khene: Mi na mmahela txani wamwamna wule a no daya Mufilista wuwa, e thavisa txiruko txitimwi ka Israyeli kani? Kasi i mani Mufilista wuwa, wa kwa mba yiswa wukwerani, wo a nga ruketela mabutho a yimbi a Txizimu txo hanya kani?

Valamuli 5:4

Awe Mkoma, mbimo yi u nga huma ngu Seyiri, mbimo yi u nga ta ngu libalani ka Edhomi, mafu ma to zinginika nzuma yi to nisa mati, se marefu ma to wisa mati.

Dhewuteronome 5:26

Nguko i mani a nga engisa, kufana ni nathu, dipswi da Txizimu txi txi hanyako, txi txi womba-womba hagari ka mndilo, e tama a txi hanya kani?

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Matewu 26:63

Aniko Jesu a to simama e malala. Se mphaxeli wa hombe a to mu gela a txi khene: “Na ku xambanyisa ngu Txizimu txi txi hanyako ti to u hi gela mwendo ngawe Mesiya, Mwanana wa Txizimu kani?”

Matewu 16:16

Simoni Pedro a to angula a txi khene: “Awe u Mesiya Mwanana wa Txizimu txi txi hanyako.”

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Joyeli 2:11

Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Dhaniyeli 4:3

Sikombiso sakwe nza hombe, ni sidiwukiso sakwe nza hombe ngutu ta tinene! Mfumo wakwe kha wu na mbi guma, ni kufuma kwakwe nga liveleko ni liveleko.

Jeremiya 23:36

Mrwalo wa Mkoma kha mi na mbiswa mi txi wu khumbuka kambe: Nguko mhaka ya mmweyo ni mmweyo yi na va mrwalo wakwe; ngako mi nga somborota timhaka ta Txizimu txi txi hanyako, ta Mkoma wa Mabutho a Tiyimbi, Txizimu txathu.

Isaya 37:17

Namisa nzeve yako awe Mkoma, u engisa; tula maso Mkoma u wona; kambe pfana otshe mapswi a Senakeribhe, ale a nga ma rumela ku ta sola Txizimu txa kuhanya.

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Masalmo 68:11

Mkoma a leletile dipswi, se vavasikati vavangi ve huwelela mahungu awa:

Genesisi 21:33

Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

1 Vafumeli 8:60

kasi votshe vathu va ha mafuni ve tiziva ti to Mkoma Njizimu, kha ku nga ni tximwani.

Masalmo 29:10

Mkoma wa fuma txitimwi ka ndambi; Mkoma a na fuma kala kupinduka!

Masalmo 68:8

mafu ma to dekadeka, se mati me wa ngu nzumani, ngu mhaka ya kuva txi diho Txizimu txa Sinayi, ngukuva a diho Mkoma, Txizimu txa Israyeli.

Masalmo 90:2

Na ku sinzi kuhumelela mimango, ku sinzi kumaheka mafu ni ditiko dotshe, kukhukhela ka kale, kala kupinduka, awe u Txizimu!

Isaya 40:15

Wonani taku matiko ma fana ni dithotho da mati, di thothoketelako mu ka dibhaketi, ni ku nga lithulu la lidotho la sikaloni; sitondolo si fana ni tximaha txatxidotho ngutu.

Isaya 65:16

Se awule a katekiswako ha mafuni a na katekiswa ngu Txizimu txa ditshuri; ni wule a xambanyako ha mafuni, a na xambanya ngu Txizimu txa ditshuri; Nguko sixaniso sa kale si divatwe, kambe si fenengetilwe masoni kwangu.

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Jeremiya 4:24

Ni to wona mimango, ti woneka to yi txo dhudhumela; ni simangwana sotshe si txi dekandeka.

Jeremiya 50:46

Ka diguwa da kutekwa ka Bhabhilona, ma dhudhumete mafu; se huwa yi pfate matikoni.

Jeremiya 51:29

Ngu toneto, ma na zinginika mafu, ma na pfa kupanda, nguko kuwomba kumweko ka Mkoma kutsanisa kuwukela Bhabhilona, kasi kumaha ti to ditiko da Bhabhilona di txi fuviswa, di si mani vazumbi.

Joxuwa 3:10

Joxuwa a to engeta a txi khene: “Ka toneto, mi na ziva tito, Txizimu txi txi hanyako txi hagari kwanu, ni ti to txi na tutumisa Vakanana masoni kwanu, ni Vaheti, Vahevhi, Vaferezi, Vagirigaxi, Vaamori, ni Vajebhusi.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Masalmo 9:8

A na lamula ditiko ngu kululama; e lamula mifumo ngu nzila ya ditshuri.

Masalmo 74:12

Txizimu, kukhukhela ka mbimo ya kale u Mkoma wangu; u xute valala sikhati so tala ka diya ditiko.

Masalmo 76:8

U di txitimwi nzumani wa zivisa kulamula kwako se ditiko da dhudhumela di malala,

Masalmo 100:3

Ti ziveni ti to Mkoma ngene Txizimu txathu; ngene a nga hi va nga, athu hi lumba ene; athu hi vathu vakwe ni mtxhambi wakwe!

Isaya 40:28

Khu ti zivi, khwa tipfa taku, Txizimu txa yotshe mbimo, Mkoma, M'vangi wa magwito a mafu, kha karali, hambi kurereka kani? Mapimo akwe kha ma na mpimo.

Dhaniyeli 6:27

Txizimu txa hanyisa ni kuhulukisa, txa maha sikombiso ni si xamaliso nzumani ni ha mafuni; Ngu txona txi nga hulukisa Dhaniyeli ka mtamo wa tingonyamo.

Nahume 1:5

Mimango ya zinginika masoni kwakwe, ni simangwana sa nyeka; se mafu ma guleka masoni kwakwe, ina, ditiko ni votshe va va hanyako ka dona.