Jeremiya 1:9 - Bhiblia Yo Sawuleka

⁹ Se Mkoma a to nawuluta dianza, e gwesa txisofu txangu, a txi khene kwangu Mkoma: “Wona taku na veka mapswi angu txisofuni kwako.

Jeremiya 1:9 Referans Kwoze

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Luka 12:12

Nguko Moya wo Sawuleka wu na mi gondisa ka yoneyo mbimo ati mi fanelako ku ti womba.”

Isaya 51:16

Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Matewu 10:19

Aniko ditshiku di va mi ningelako kwawe, mi nga karatekeni ngu kulava kuziva ati mi no womba tona ni mawombawombelo a kona.

Jeremiya 5:14

Ngu konaho, Mkoma, Txizimu txa Mabutho a Tiyimbi, a khene: Ngako va nga womba mhaka ya ku nga tiya, wona taku ni na phemberusa mapswi angu me maha mndilo txisofuni kwako, se vathu vava ve maha tikhuni, se vona va na tshokomiswa.

Ezekhiyele 3:10

A ni gete kambe ku khene: Awe mwanana wa m'thu, veka mbiluni totshe timhaka tangu, ati ni no kugela, kambe u txi ti pfisisa ngu tinzeve tako.

Isaya 49:2

Txisofu txangu a txi mahile txi fanana ni ditxhari do hinda, se a ni fenengetile ngu mtsudi wa dianza dakwe e ni maha lingove lo khetima, e ni sisa amu ka msava wakwe.

Marku 7:33

Ngako a di mu humisile hagari ka dibutho, a txi ya nayo phuho, a to wuleta titiho takwe tinzeveni ka diphanzeve, e thura lure, e mu gwesa lidimi ngu lona lure.

Mitengo 23:5

Sekoko Mkoma a to gela Bhalahamu a ti a fanelo kuya womba, a txi khene: Konkuwa tshumela u txiya ka Bhalake, u ya m'gela ti ni tiya.

Dhewuteronome 18:18

Wona taku ni na va tumbulukisela mprofeti wo nga awe, hagari ka vanawe. Ni na veka mapswi angu txisofuni kwakwe, se ene a na va gela totshe ti ni no m'leleta tona.

Jeremiya 36:2

Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.

Dhaniyeli 10:10

Wonani, dianza di to ni gwesa, di ni khizamisa ngu mazola angu di ni tsanisa ngu manza angu.

Dhaniyeli 10:16

Se tximwetxo txo fana ni vanana va vathu txi to gwesa txisofu txangu, sekoko ni to tula txisofu txangu ni womba-womba, ni txi khani ka wule a nga ti ti masoni kwangu: Nyamne wangu, ngu mhaka ya txiwoniso, ni pandisekile, ha koza ni guma ni mtamo.

Dhewuteronome 18:16

madinfano ni ti u nga kombelisa tona ka Mkoma, Txizimu txako, mmangoni ka Horebhi, ka ditshiku da msengeletano, u nga khawe: “Kha ni na mbi engeta ni txi engisa dipswi da Mkoma, Txizimu txangu, hambi kuwona mndilo wuwa wa hombe, nguko ni nga fa!”

Dhewuteronome 18:17

Sekoko Mkoma a to khene kwangu: “Vona va wombile ditshuri.

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

Jeremiya 15:19

Ngu konaho, Mkoma a khene: Ngako u txi tshumelela kwangu ni na ku wuyisa ti taku u txi maha mlondeteli wangu. Ni kungako u txi tisa sa lisima, u leka si so biha, awe u na va txisofu txangu. Vona va na tshumelela kwako, aniko awe khu na mbi tshumelela kwawe.

Jeremiya 34:6

Se mprofeti Jeremiya a to gela Zedhekiya, mfumeli wa ka Judha, totshe timhaka tiya, va di Jerusalema,