Jeremiya 1:8 - Bhiblia Yo Sawuleka

⁸ U nga thave masoni kwawe; nguko ni ni nawe, kasi ku ku hulukisa, kuwomba Mkoma!”

Jeremiya 1:8 Referans Kwoze

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Dhewuteronome 31:6

Tsanani miva ni mtamo; mi nga thaveni txilo, kambe mi nga dhudhumeleni masoni kwawe, nguko Mkoma, Txizimu txanu, ngene a thangelako masoni kwanu; kha na mbi mi tshotsha, kambe kha na mbi mi leka!”

Mithumo 4:13

Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Dhewuteronome 31:8

Mkoma koko a na thangela masoni kwako ene a na va ni nawe; kha na mbi kuleka, kambe kha na mbi kutshotsha; u nga thave txilo, kambe u nga dhudhumele.”

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Mithumo 18:10

nguko ani ni ni nawe, kha ku nga ni m'thu wu a no kuwukela e kumaha ta walo nguko nina ni vathu vavangi didhoropani muwa.”

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Mithumo 26:17

Ni na kuhulukisa manzani ka vathu va ditiko diya, ni ka vamatiko vava ni ku rumelako kwawe;

Mithumo 4:29

Se konkuwa, Mkoma, wona kudhukisa kwawe, u txi ninga sithumi sako kuwomba dipswi dako, na va si thavi txilo.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Matewu 10:26

“Ngu toneto, mi nga va thaveni, nguko kha txi nga ho txo sisala, txi no mbi nga va ni kutumbulwa; kambe kha txi ngaho txo siswa, txi no mbi nga va ni kuziwa.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Vaefesu 6:20

ayi ni ku muemeli wa yona kona kusungwani muwa; kasi ku ni sikota kuwombawomba ngu kutxhatxheka, nga ha ti fanelako kuva ni txhumayela.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Jeremiya 39:11

Nebhukodhonosori, mfumeli wa Bhabhilona, a ti ti rumisile Nebhuzaradhani, mthangeli wa vawoneleli, ngu Jeremiya, a txi khene:

Jeremiya 42:11

Mi nga thaveni mfumeli wa Bhabhilona, awu mi mthavako; mi nga mthaveni, kuwomba Mkoma, nguko ani ni na ni nanu, kasi ku mi hanyisa ni ku mi txhatxhisa manzani kwakwe.

Dhaniyeli 3:17

Wona taku Txizimu txathu, a txi athu hi txi thumelako, ngu txona txi no hi hulukisa; txona txi na hi hulukisa txikhoni ka mndilo wu wu turako ngutu, ni manzani kwako, awe mfumeli.

Dhaniyeli 3:25

Mfumeli a to xamula, a txi khene: Ani koko, ni wona mune wa vavamna va di txhatxhilwe, va txi tsimbila-tsimbila mndani ka mndilo, kambe kha ku woneki ni ka kudotho va nga dawiswa; se txiemo txa wa wumune txi fanana ni txa mwanana wa sizimu.