Jeremiya 1:5 - Bhiblia Yo Sawuleka

⁵ “Ni ku zivile ni si se kuwumba mndani ka mwamwako; kambe na u si se velekwa ni kusawute, kuva mprofeti wa matiko.”

Jeremiya 1:5 Referans Kwoze

Masalmo 139:16

Maso ako ma ni woni ni si se velekwa. Otshe masiku a kuhanya kwangu ma bhatwe dibhukuni kwako; ma batwe mtengo wa ona ma sinzi ku va ho.

Isaya 49:1

Ni engiseni anu sitondolo, pfisisani anu vathu va kule! Mkoma a ni dhani, kukhukhela mndani ka mame wangu, kukhukhela msembeni ka mame wangu, a ni rayile ditina.

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Isaya 49:5

Se konkuwa, kuwomba Mkoma, wule a nga ni wumba khukhela mndani, kasi kuva txithumi txakwe, ti to ni wuyisa Jakobe kwakwe, aniko Israyeli kha ti pata; hambi keto masoni ka Mkoma ni na dhumiswa, ni Txizimu txitxhavangu txi na va mtamo wangu.

Isaya 44:2

Mkoma wu a nga kuvanga, e kuwumba kukhukhela mndani, ni ti to a na kuvhuna, a khene: U nga thave awe Jakobe, txithumi txangu, ni nawe Jesurumi, awe ni nga kusawula.

Luka 1:41

Neti Izabheli a txi engisa kuloswa ngu Mariya, mwanana a to sinyasinya mndani kwakwe, se Izabheli a to tala ngu Moya wo Sawuleka;

Luka 1:76

Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.

Eksodha 33:17

Sekoko Mkoma a to khene ka Mosi: “Ni na maha ati u ni kombelako, nguko u mani dithomo masoni kwangu, ni kambe na kuziva ngu ditina dako.”

Jeremiya 1:10

Wona, ka diya ditshiku, ni kuveka txitimwi ka matiko ni mifumo, kuva u dula ni kukhundumusa, kuhasamula ni kuwisa, kuaka ni kuphaya.”

Eksodha 33:12

Mosi a to womba ka Mkoma a txi khene: “Awe Mkoma u ni gete u txi khawe: Humisa vathu vava; aniko khwa ni komba awule u no mruma ni nani. Kambe u ti khawe: Na kuziva ngu ditina dako, se u mani dithomo masoni kwangu.”

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Varoma 1:1

Paulo, txithumi txa Jesu Kristu, a nga dhanwa kuva mpostoli, a nga sawulwa ti to e txhumayela Evhangeli ya Txizimu,

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Vaefesu 1:22

Hahatshi ka mikondo ya Kristu, Txizimu txi vekile sotshe simaha, kambe txi mmahile Msungo wa dotshe Dibanza,

Johani 10:36

Ka wule a nga sawulekiswa e rumwa ngu Txizimu ha ditikoni, anu mi khanu: ‘Awe wa ruka!’ Nguko ni nga khani: ‘Ni Mwanana wa Txizimu’, kani?

1 Vakorinto 8:3

Aniko, ngako m'thu a txi randa Txizimu, eyo wa ziwa ngu txona.

Masalmo 139:15

Awe u ni woni mbimo yi marambu angu ma nga txi wumbwa, mbimo yi ni nga txi kula kusisalani mndani ka mame wangu.

Jeremiya 1:4

Ngu kumaha keto, dipswi da Mkoma di tile kwangu, di txi ta kha dona:

Jeremiya 25:13

Ni na maha kedo ditiko totshe timhaka ti ni nga womba ka dona, totshe tiya ti nga bhalwa ka diya dibhuku, ati Jeremiya a nga profeta ngu otshe matiko awa.

Jeremiya 36:2

Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.

Jeremiya 20:15

A na rukwe m'thu wu a nga bika mahungu amanene ka tate wangu, a txi khene: U veleketwe txizambyana, e m'tsakisa ngutu.