Jeremiya 1:3 - Bhiblia Yo Sawuleka

³ Di tile kambe, ngu masiku a Jehoyakimu, mwana Josiya, mfumeli wa ka Judha, kala magwito ka dilembe da digumi ni dimwedo da kufa ka Zedhekiya, mwana Josiya, mfumeli wa ka Judha, kala mbimo yile Jerusalema a nga yiswa wukarawani ngu mtxima wa wutxhanu.

Jeremiya 1:3 Referans Kwoze

Jeremiya 39:2

Se ngu dilembe da wugumi ni dimwedo da Zedhekiya, ka mtxima wa wumune, ka ditshiku da wutxhanu ni mune, didhoropa di to botetwa;

2 Vafumeli 23:34

Kambe Faro-Neko a to fumisa Eliyakimu, mwana Josiya, ka wukhalo wa tate wakwe Josiya, se e mtxitxela ditina atxi khene i Jehoyakimu; se a to teka Jowakazi, e tsula Egipta, a fete koneyo.

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Zakariya 7:5

Gela votshe vathu va ditiko diya, ni votshe vaphaxeli, u txi khawe: Mbimo yile mi nga ti tona, ni kudila, ka mtxima wa wutxhanu ni wa wutxhanu ni yimbidi, mndani ka malembe awa a mtxhanu wa magumi ni magumi mambidi, ina anu mi ti tonete ani, ngu ditshuri mi ti tonete ani kani?

Jeremiya 34:1

Dipswi di di nga ta ka Jeremiya ngu ka Mkoma, ahawa Nebhukodhonosori, mfumeli wa Bhabhilona, ni yotshe yimbi yakwe, ni yotshe mifumo ya mafu, aawa ma nga ti fumwa ngu ngene, ni otshe matiko ale ma ngalwa, me wukela Jerusalema, ni otshe madhoropa a kona, di txi kha dona:

1 Makronika 3:15

Vanana va Josiya ngu vava: Matiwula i Jowanani, wa wumbidi i Jeyowakimi, wa wuraru i Zedhekiya; wa wumune i Salumi.

2 Vafumeli 24:17

Se mfumeli wa Bhabhilona, a to fumisa Mataniya i ku tatanyani wa Jowakimu, e mninga ditina daku i Zedhekiya.

Jeremiya 1:4

Ngu kumaha keto, dipswi da Mkoma di tile kwangu, di txi ta kha dona:

Jeremiya 35:1

Di tile dipswi ka Jeremiya ngu ka Mkoma, ka masiku a Jehoyakimi, mwana Josiya, mfumeli wa ka Judha, di txi kha dona:

Jeremiya 36:2

Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.