Jeremiya 1:18 - Bhiblia Yo Sawuleka

¹⁸ Nguko nyamsi ni kuvekile kufana ni dikhokhola da mtamo, phande ya txikete, ni diguma da msuku masoni ka ditiko dotshe, masoni ka vafumeli va ka Judha, ni vathangeli vawe, vaphaxeli vawe, ni vathu va ditiko.

Jeremiya 1:18 Referans Kwoze

Isaya 50:7

Nguko Mkoma Txizimu wa ni vhuna, ngu mhaka yeto kha ni kanganyiseki; ngu mhaka yeto ni khohe yangu ni yi mahile yi txi nga dirigwi, se na tiziva ti to kha ni na mbi wa tinganani.

Jeremiya 15:20

Ni na kumaha uva diguma da msuku ka ditiko diya; va na lwa ni nawe, aniko kha va na mbi ku xula; nguko ani ni kumweko ni nawe, kuva ni kuhulukisa, kuwomba Mkoma

Jeremiya 6:27

Ni kuvekile kuva txitezi txa wuwoneleli wa vathu vangu, uva dikhokhola, ti taku u ziva ni kuxola tsimbilelo yawe.

Jeremiya 37:7

Mkoma, Txizimu txa Israyeli, a khene: Gelani mfumeli wa ka Judha awu a nga mi ruma kwangu ku ta ni wotisa, mi txi khanu: Wona taku dibutho da Faro adi di nga tela ku ta mi vhuna, di na tshumelela Egipta ditikoni ka dona.

Jeremiya 38:2

Mkoma a khene: Awu a no sala ka diya didhoropa a na fa ngu ditxhari, ni nzala, ni malwati; aniko awule a no thavela ka Vakaldheya a na hanya, a na nga o honyola wutomi wakwe e hanya.

Jeremiya 42:22

Ti ziveni koko ngu ditshuri tito, mi na dawa ngu ditxhari, ngu nzala ni mtungu, konaho mi nga ya luvela kona.

Jeremiya 34:3

Kambe awe khu na mba huluka manzani kwakwe, kambe u na ñolwa u txi ningelwa manzani kwakwe; u na wonana ni mfumeli wa Bhabhilona, ene a na womba-womba ni nawe khohe ni khohe, se u na tsula Bhabhilona.

Jeremiya 21:4

“Mkoma, Txizimu txa ka Israyeli, a khene: Wonani, ni na tshumetela matxhari awa ma ku manzani kwanu, awa milwako ngu ona hahanze, mi txi wukela mfumeli wa Bhabhilona ni Makhaldheya, ava va nga mi randela, ni na ma sengeletela ka didhoropa diya.

Johani 1:42

Se a txi mu heleketa ka Jesu. Jesu a to mu wonisisa, se a txi khene: “Awe ngawe Simoni, mwana Johani; u na dhanwa ku u Khefasi” (ati ti wombako ku Pedro, Dirigwi.)

Jeremiya 38:18

Aniko ngako u si humi u ya ti ningela ka vanana va mfumeli wa Bhabhilona, adiya didhoropa di na ningelwa ka Vakaldheya, va txi di hisa ngu mndilo, na nawe khu na mbi huluka manzani kwawe.

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

Jeremiya 15:10

Dikhombo kwangu, awe mwamwangu! Ngu kutxani u nga ni veleka, ani m'thu wa mazunga ni kuphikiza ka dotshe ditiko kani? Kha ni se txenekisa txilo ngu mhaka ya dibhindu, vathu kha va ni txeneka txilo; hambi keto, votshe va ni ruketete.

Jeremiya 26:24

Diwoko da Ahikamu, mwana Xafani, di ti ti kumweko ni Jeremiya, ti taku asi ningelwi manzani ka vathu a txi dawa.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.