Jeremiya 1:17 - Bhiblia Yo Sawuleka

¹⁷ Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Jeremiya 1:17 Referans Kwoze

1 Vafumeli 18:46

Se dianza da Mkoma di ti txitimwi ka Elija, awu a nga sunga txiwunu, eta ngu kututuma masoni ka Akabe, kala ha diphangoni ka Jezireyeli.

1 Pedro 1:13

Ngu toneto, sungani mitxalatxala siwununi kwanu, mi zumba mi txi wonelela. Vekani likholo lanu ka kateko yi mi nga ningwa, kuwonekeliswani ka Mkoma wathu, Jesu Kristu.

Luka 12:35

“Sungani mitshunga siwununi kwanu, mi lumeka malambu anu.

Jeremiya 23:28

Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!

Eksodha 7:2

Awe u na geletela Aroni totshe ti ni no kuruma, se ene a na womba ka Faro, kasiku e leka vanana va ka Israyeli va txi huma mu ditikoni kwakwe.

Jobe 38:3

Konkuwa, tsanisa txiwunu txako, u ku wamwamna; ni na ku wotisa, se awe u na ni xamula.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Mithumo 20:20

Txi walo ni txa tximwetxo ni nga mi sisela ka sile ni nga tiziva ti to sa mi vhuna; aniko ni txhumayete, ni mi gondisile masoni ka vathu ni tinyumbani kwanu;

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

1 Vakorinto 9:16

Kutxhumayela Evhangeli, kwangu, hi nga mhaka ya ku ti bhumisa phungo ngu yona, i fanelo yi ni nga rwekwa. Dikhombo dangu, ngako ni si txhumayeli Evhangeli!

Jona 3:2

Khukha, u tsula ka Didhoropa da Hombe da Ninivha, u txi ya txhumayela mapswi ale ani ni nga kugela.

Jeremiya 17:18

Nga va txi goo tingana va va ni xanisako, aniko ani nga ni si wiswi tingana; nga va txi dhudhumela, aniko ani nga ni si dhuki ni dhudhumela. Va tisele ditshiku da dikhombo, u txi va hasamulela kumbidi.

2 Vafumeli 4:29

Se Elixa a to khene ka Gehazi: Tsanisa txiwunu txako, teka mtxheketelo wangu ngu dianza dako, u tsula; u txi mana m'thu wokari u nga mlose; ni kungako wokari a txi kulosa, u nga mxamule; sanzeka mtxheketelo wangu ka khohe ya mfana.

1 Vatesalonika 2:2

Aniko, hambiko hi nga thanga ngu kuxaniseka ni kuruketelwa aniya Filipiya, nga ti mi ti zivisako tona, Txizimu txathu txi hi ningile mtamo wa ku mi txhumayela Evhangeli yi yi tako ngu ka txona, hagari ka kulwa ka hombe.

2 Vafumeli 9:1

Sekoko mprofeti Elixa a to dhana mmweyo ka vanana va vaprofeti e ta m'gela tiya: Sunga txiwunu txako, u teka ngoto yiya ya mafura ngu dianza dako, u tsula Ramoti-Gileyadhi.

2 Vafumeli 1:15

Sekoko Ngelozi ya Mkoma yi to kha yona ka Elija: Txhika nayo wuwa, u nga thave. Se Elija a to khukha e txhika nayo ka mfumeli.

Jeremiya 1:18

Nguko nyamsi ni kuvekile kufana ni dikhokhola da mtamo, phande ya txikete, ni diguma da msuku masoni ka ditiko dotshe, masoni ka vafumeli va ka Judha, ni vathangeli vawe, vaphaxeli vawe, ni vathu va ditiko.

Jeremiya 26:2

Ema ngu mthandani ka Nyumba ya Mkoma, u txi womba-womba ka vathu va miti ya ka Judha, ava va tako kuta khozela Nyumbani ka Mkoma, ka totshe timhaka ti ni nga kuruma kutxhumayela kwawe, u nga siye ni ya yimweyo.

Jeremiya 26:12

Jeremiya a to xamula ka totshe tinduna ni ka votshe vathu, a txi khene: Mkoma a ni rumile kuprofeta ngu yiya nyumba ni diya didhoropa, ngu totshe timhaka ti mi nga tipfa.

Jeremiya 36:8

Bharuke mwana Neriya, a to maha totshe ti a nga gelwa ngu mprofeti Jeremiya, a txi gonda timhaka ta Mkoma mu ka dibhuku diya Nyumbani ka Mkoma.

Sidilo 3:57

Ditshiku dile ni nga kudhana, u tshuketile u txi ta khawe: “U nga thave.”