Jeremiya 1:16 - Bhiblia Yo Sawuleka

¹⁶ Se ani ni na womba malamulelo angu txitimwi kwawe, ngu mhaka ya wubihi wawe wotshe, nguko va ni lekile, veya hisela dibaselo simwani sizimu, ni kukhizama masoni ka mithumo ya manza awe.

Jeremiya 1:16 Referans Kwoze

Jeremiya 19:4

Nguko va ni lekile, ve nyenyezisa wukhalo wuwa, nguko va nga hisa dibaselo ka simwani sizimu, eso va nga mba si ziva, vona ni vakokwani vawe ni vafumeli va ka Judha; va tatile wukhalo wuwa ngu mnoha wa va va singako ni mnandu;

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Mithumo 7:41

Se ka ona ale masiku, va to wumba dirole ve phaxa mhamba masoni ka txithombe, ve khozela ngu kutsaka mthumo wa manza awe.

Isaya 2:8

Kambe ditiko dawe di tate ngu sithombe so vatwa; va khizama masoni ka mthumo wa manza awe, masoni ka sile si nga mahwa ngu titiho tawe.

Dhewuteronome 28:20

Mkoma a na kurumela makhombo, ni kuxaniseka, ni kumwalalelwa ka yotshe mithumo ya manza ako, kala u txi loviswa, u fuviswa ngu txikuluveta, ngu mhaka ya kubiha ka mithumo yako, yile u nga ni leka ngu yona.

Hoseya 11:2

Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Hoseya 8:6

Nguko edo ngu dona dirole do mahwa ngu Israyeli; mtshuli a ngadi maha, hi nga Txizimu. Aniko dirole da Samariya di na funyetelwa di maha sihwika.

Jeremiya 44:17

hi na londisa kotshe kuwomba ku ku nga huma ngu txisofuni kwathu, hi txi hisela dibaselo txizimu txa txisikati txi dhanwako ku Mfumeli wa Nzumani, ni ku txi luva.

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Jeremiya 4:12

Txingulu txi nata ngu kuruma kwangu sekoko ni na va lamula.

Isaya 37:19

Kambe va rinzile ha mndiloni sizimu sa ona; nguko i si nga sizimu, aniko i ti mithumo ya manza a vathu, yo mahwa ngu mapulango ni marigwi; ngu mhaka yeto, va si khundumusete.

2 Vafumeli 22:17

Nguko va ni lekile, ve hisela dibaselo simwani sizimu, ve ni wusela kuhenya ngu yotshe mithumo ya manza awe, txiviti txangu txi vhutukile ka wukhalo wuwa, kambe kha txi na mbi timeka.

Joxuwa 24:20

Ngako mi txi hambana ni Mkoma, mi txi khozela simwani sizimu, ene a na mi wukela, a txi mi tsayisa, a txi mi fuvisa, hambiko a nga khata ngu ku mi mahela wunene.”

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Ezekhiyele 24:14

Ani Mkoma ni ti khani: Ti na maheka, ni na ti maha; kha ni na mbi tshumelela msana, kambe kha ni na mbi pimela, hambi kutilaya; madingano ni tinzila tako, ni madingano ni mithumo yako, va na kulamula, kuwomba Mkoma Txizimu.

Jeremiya 51:17

Va mahile vo mbi ziva votshe, ku timeletwe sotshe sifananiso so mahwa ngu nzalama; nguko sifananiso sawe so nyivilikiswa nza makuhu, ni txa tximwetxo kha txi nga ni moya.

Jeremiya 16:11

Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.

Jeremiya 15:6

U ni lekile, kuwomba Mkoma, u tshumelete msana. Ngu konaho, ni nawulutile dianza dangu, ni kulovisa. Ni karate ngu ku kudivalela.

Jeremiya 11:17

Nguko Mkoma wa Mabutho a Tiyimbi awu a nga kuphaya, a na rumela makhombo txitimwi kwako, ngu mhaka ya kubiha kuwa ku nga mahwa ngu nyumba ya ka Israyeli ni nyumba ya ka Judha, ve ni henyisa ngu kuhisela dibaselo Bhahali.

Jeremiya 11:12

Sekoko madhoropa a ka Judha ni vazumbi va Jerusalema, va na ya dila ka sizimu sile va nga si hisela dibaselo, aniko lambi va na mbi va hulukisa ka ditshiku da dikhombo dawe.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Jeremiya 5:9

Ina ani kha ni na ku si tsayisa soneso kani? Kuwomba Mkoma. Na mbi pharela ka ditiko daku nga diya kani?

Jeremiya 4:28

Ngu mhaka yeto, mafu manava ni huwa; ni tinzuma ta txitimwi ti na phuma; nguko ani ni wombile, ni hingana ni di xuvileto. Na mbi hunduluka hambi kutshumelela msana.”

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Isaya 65:3

vathu va va ni henyisako masoni kwangu yotshe mbimo, va phaxelako va di tithembweni, ve hisa dibaselo txitimwi ka sitini;

Isaya 44:15

Sekoko m'thu a dhivela tikhuni ta mndonga, a txi ora ni kubhika dipawu, kambe wa khanda txizimu, se e nama masoni ka txona, a vata txithombe ngu mndonga, e khizama masoni ka txona.

2 Makronika 34:25

Nguko va ni lekile veya hisela dibaselo sizimu simwani, kasiku ni wusela kuhenya kwangu ngu yotshe mithumo yawe, se ngu toneto kuhenya kwangu na kuthekete txitimwi ka wukhalo wuwa, ku na pwateka ni wammweyo awu a no sikota ku kuthavisa.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Makronika 7:19

Sekoko ngako mi txi hambuka mi leka milayo yangu ni sileleto sangu asi ni nga mi ninga, mi tsula mi ya khozela sizimu simwani mi si khizamela,

Joyeli 2:11

Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

Jeremiya 2:28

Sekoko si hani sizimu sako asi u nga ti mahela kani? Hi nga si leka si txi ema, hi wona ngako si txi sikota ku kuhanyisa ka mbimo ya makhombo! Nguko sizimu sako si dingana ni mtengo wa miti yako, awe Judha.

Jeremiya 10:3

Vamatiko va kholwa ka sizimu sa walo. Nguko mndonga wu nga wilwa txitingani, kuthumiswa nzanga ya mvati;

2 Makronika 28:2

Nguko a tsimbite ngu tinzila ta vafumeli va ka Israyeli, hahanze keto, a to vata sithombe sa va ka bahali.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 7:17

Ina khu ti woni ti va ti mahako madhoropani ka va ka Judha kani ni mu ka magondo a Jerusalema kani.

Jeremiya 7:18

Vanana vo sengeletela tikhuni, vatate ve dhivela mndilo, ni vavasikati va vhuva mpupu kasi kumahela simbwanda txizimu txa txisikati, txi dhanwako ku mfumeli wa txisikati wa nzumani; na va txi ningela miningelo ya sakusela ka simwani sizimu, kasi ku ni wusela kuhenya.

Jeremiya 18:15

Nguko vathu vangu va ni divate, va hisile dibaso ka sifananiso. Si va humbile tinzilani kwawe, amu ka mapfhela a kale. Kuva ve wekelela ka nzila yo timeta, ya kwa mbi dhodwa.

Ezekhiyele 16:18

U fenengetile sithombe ngu syambalo sako asile so lukwa; u txi veka mafura a lisima masoni ka sona.